Búgin Aqtóbe oblysynyń Yrǵyz aýdanynan 20 km jerdegi «Samara-Shymkent» tas jolynyń 1153-shaqyrymynda aýa raıynyń qolaısyzdyǵyna baılanysty jolaýshylar avtobýsy júrmeı qalyp, 41 adam qutqaryldy. Bul týraly Tótenshe jaǵdaılar mınıstriligi málimdedi, dep habarlaıdy “Adyrna” ulttyq portaly.
Borannyń kesirinen avtobýs júrmegen soń Qazaqstannyń úsh azamaty men Ózbekstan Respýblıkasynyń 38 azamaty Yrǵyz aýylyndaǵy orta mektepke ornalastyryldy. Qazir olardyń jaǵdaıy qalypsha.
Sondaı-aq búgin Túrkistan oblysynyń Áıteke bı aýdanynda «Samara-Shymkent» tas jolynyń 968-shaqyrymynda taǵy bir jolaýshylar avtobýsynan adamdar qutqaryldy. Avtobýs Qarabutaq kentinen 2 km jerde turyp, aýa raıynyń qolaısyzdyǵynan ári qaraı júrmeı qalǵan. Avtobýsta Ózbekstan Respýblıkasynyń 31 azamaty bolǵan. Olar Qarabutaq aýylynyń meshitine ornalastyryldy.
Tótenshe jaǵdaılar mınıstrligi men oblystyq departamentter kúni búginge deıin azamattarǵa aıazdy kúni boranda jolǵa shyqpaýdy eskertip keledi.
