Aqtöbe oblysynda jolauşylar poiyzy relsten şyǧyp kettı. Būl turaly bügın TJD baspasöz qyzmetı mälımdedı, dep habarlaidy “Adyrna” ūlttyq portaly.
Aldyn ala mälımetter boiynşa, bügın saǧat 10:30-da Aqtöbe oblysy Şalqar audany Berşügır temırjol stansiiasynda jolauşylar poiyzy manevrlık lokomotivpen soqtyǧysqan.
Saldarynan «Bışkek-Samara» baǧytymen jüretın №317 jolauşylar poiyzynyŋ teplovozy, №1 vagony jäne №2 jolauşylar poiyzynyŋ 3 doŋǧalaqty jūby relsten şyǧyp kettı. Oqiǧa ornyna Qazaviaqūtqaru tıkūşaǧy ūşyp şyǧyp, qūtqaru bölımşelerı jäne QTJ qalpyna keltıru poiyzy jöneltıldı, - delıngen habarlamada.Relısten şyǧyp ketken poiyzda 200-den asa adam (Qyrǧyzstan, RF jäne Qazaqstan azamattary, QTJ qyzmetkerlerı) bolǧan. Jolauşylar zardap şekpegen. Olar poiyzdyŋ basqa vagondaryna ornalastyryldy. Apatqa qatysty jedel ştab qūryldy. Qazır oqiǧanyŋ sebebı anyqtalyp jatyr.
Ūqsas jaŋalyqtar
