Aqtóbe oblysynda jolaýshylar poıyzy relsten shyǵyp ketti. Bul týraly búgin TJD baspasóz qyzmeti málimdedi, dep habarlaıdy “Adyrna” ulttyq portaly.
Aldyn ala málimetter boıynsha, búgin saǵat 10:30-da Aqtóbe oblysy Shalqar aýdany Bershúgir temirjol stanııasynda jolaýshylar poıyzy manevrlik lokomotıvpen soqtyǵysqan.
Saldarynan «Bishkek-Samara» baǵytymen júretin №317 jolaýshylar poıyzynyń teplovozy, №1 vagony jáne №2 jolaýshylar poıyzynyń 3 dońǵalaqty juby relsten shyǵyp ketti. Oqıǵa ornyna Qazavıaqutqarý tikushaǵy ushyp shyǵyp, qutqarý bólimsheleri jáne QTJ qalpyna keltirý poıyzy jóneltildi, - delingen habarlamada.
Relisten shyǵyp ketken poıyzda 200-den asa adam (Qyrǵyzstan, RF jáne Qazaqstan azamattary, QTJ qyzmetkerleri) bolǵan. Jolaýshylar zardap shekpegen. Olar poıyzdyń basqa vagondaryna ornalastyryldy.
Apatqa qatysty jedel shtab quryldy. Qazir oqıǵanyń sebebi anyqtalyp jatyr.
