Ükımettıŋ baspasöz qyzmetınıŋ mälımetınşe, Arnauly memlekettık qordan Abai oblysynda sumen jabdyqtau jelılerın saluǧa 10 mlrd teŋgeden astam qarjy bölındı, dep habarlaidy "Adyrna" ūlttyq portaly.
Memleket basşysynyŋ tapsyrmasyna säikes, elge qaitarylǧan zaŋsyz iemdenılgen aktivter qarajaty äleumettık maŋyzdy infraqūrylymdardy saluǧa baǧyttaluda. Öŋırde jalpy 21 joba ıske asyrylyp jatyr. Onyŋ jeteuı Semei qalasynda ornalasqan.
Su jelılerın tartu jūmystary auyldyq aumaqtardy da qamtidy. Atap aitqanda, Boroduliha, Ürjar jäne Abai audandarynda jaŋa sumen jabdyqtau jelılerı jürgızılmek.
Būl jobalar halyqtyŋ ömır süru sapasyn arttyruǧa, kommunaldyq qyzmetterge qoljetımdılıktı keŋeituge jäne infraqūrylymdy jaŋǧyrtuǧa baǧyttalǧan. Nysandardy biyl paidalanuǧa beru josparlanyp otyr.
Önerkäsıp jäne qūrylys ministrlıgınıŋ mälımetınşe, qazır Semei qalasynda sumen qamtu deŋgeiı – 95,5%, al Abai oblysynyŋ auyldarynda 95% qūraidy.
