QR Tótenshe jaǵdaılar mınıstrliginiń baspasóz qyzmeti Marat Kóldikov óz erkimen qyzmetten ketý týraly baıanat jazǵanyn rastady. Habarlamada:
"Qazirgi ýaqytta ony jumystan bosatý jaıyn kelisý rásimi júrgizilip jatyr", – dep jazylǵan.
Esterińizge sala keteıik, Toqaev Abaı oblysyna arnaıy barǵan saparynda Tótenshe jaǵdaılar mınıstrliginiń qyzmetin "qaýqarsyz qyzmetin" synǵa alyp, Marat Kóldikovke tikeleı suraq qoıdy. Onyń sózin bólip:
«Men qyzmetinen bosatqan mınıstr óziniń tikeleı qyzmettik mindetin oryndaýǵa nege múldem nemquraıly qaraıdy?!
14 adam qaza tapty. Siz osyny túsinesiz be? Men olardyń otbasylarymen kezdestim. Bul azamattar óz otbasynyń perzentteri, otaǵasy bolatyn. Bir otbasynda eki jasar bala jetim qaldy. Adamdardyń artynda nesıeleri qaldy. Olar otbasynyń jalǵyz asyraýshysy edi.
Órt búkil álemde bolady, biraq ol jaqta tıisti sharalar qabyldanady. Mınıstr kelmedi, oblys ákimi tym baıaý qozǵaldy, orynbasarlaryn jiberdi. Jumysqa degen qandaı qarym-qatynas?! Osy jóninde esep berińiz! Naqty suraq – nege qate boljam jasaldy?», - degen edi memleket basshysy.
"Adyrna" ulttyq portaly
