19 tamyz künı şamamen saǧat 16:00-de Abai oblysy Ürjar audanynyŋ Besterek auylynda kölık qaqqannan üş bala qaza tapty, dep habarlaidy "Adyrna" ūlttyq portaly.
Aldyn ala mälımet boiynşa, 55 jastaǧy kölık jürgızuşısı rölge ie bola almai, üidıŋ qaqpasynyŋ aldynda, joldan 10 metr qaşyqtyqta tūrǧan balalardy qaǧyp ketken.
Oqiǧa saldarynan ekı bala oqiǧa ornynda qaza tapty, taǧy bırı medisinalyq mekemege barar jolda köz jūmdy. Üş bala türlı jaraqatpen auruhanaǧa jetkızıldı. Abai oblysynyŋ densaulyq saqtau basqarmasynyŋ habarlauynşa, olardyŋ jaǧdaiy auyr, barlyq qajettı medisinalyq kömek körsetılude.
Prezident Qasym-Jomart Toqaevtyŋ tapsyrmasymen zardap şekken balalarǧa kömek körsetu üşın Qorǧanys ministrlıgınıŋ S-295 äskeri-kölık ūşaǧy qūramynda reanimatolog, neirohirurg jäne travmatolog bar medisinalyq brigadamen bırge Ürjar audanyna ūşyp keldı.
Abai oblysynyŋ äkımı Berık Uälidıŋ tapsyrmasymen qaza bolǧan balalardyŋ otbasylaryna jerleu räsımın ūiymdastyruda barlyq qajettı qoldau, sondai-aq psihologiialyq jäne materialdyq kömek körsetıledı.
Polisiia mälımetınşe, jürgızuşı ūstalyp, uaqytşa ūstau izoliatoryna qamaldy. Medisinalyq saraptama onyŋ apat kezınde mas bolmaǧanyn körsettı. Qylmystyq ıs qozǧaldy. Qazırgı uaqytta oqiǧanyŋ sebebı men män-jaiyn anyqtauǧa baǧyttalǧan barlyq tergeu şaralary jürgızılude.
