Sońǵy apta qazaq balýandary álemdi dúrildetti. Keshe ǵana Nurqoja Qaıpanov erkin kúresten álem chempıony atandy. Onyń aldynda ǵana altyn qyz Jámılá Baqbergenova álemniń kúmisin qanjyǵalady. Eki-úsh kún buryn Rızabek Aıtmuqan 23 jasqa deıingiler arasyndaǵy álem birinshiliginiń altynymen aptaldy. Bunyń bári tarıhı jeńister.
Sebebi, Rızabek úsh jas sanatynda da álem chempıony bolǵan tuńǵysh qazaq! Jámılá tórt jyl qatarynan álemdik dodadan medal ákep otyr. Nurqojaniki aıtpasa da túsinikti.
Kók Baıraǵymyzdy bıikke kóterip, eldiń ımıdjin halyqaralyq arenada kóterip júrgen osy qyz-jigitter áli laıyqty marapattalmady da. Úsheýine páter bermek túgili bir kólik mingizbedik. Qazaqtyń Atymtaı Jomart Azamattary qaıda? Rý jaǵyn qýysatyn bolsaq eldi otyz jyl bılegen shapyrashtydan bir qaltaly azamat shyǵyp, qaryndastary Jámılany úlde men búldege oraıtyn-aq jónderi bar edi.
Kúrestiń mańynda júrgen azamattarǵa qyrǵyz aǵaıyndar sálem aıtypty. Úsh balýandaryńa kólik mingizetin qazaq tabylmasa, mingizetin qyrǵyz tabylady dep. Bul endi súıekke tańba, ultqa uıat bolatyn nárse.
Joqtan ózgege jyrtylyp shashylatyn baı-baǵlandarymyz oılanatyn shyǵar dep jazdym. Átteń, qoldyń keltesi-aı. Úsheýine úsh páteri men úsh kóligin ózim-aq bere salatyn edim.
Ońǵar Qabden
Facebook paraqshasynan
