20 jyldyqqa tartý

6265
Adyrna.kz Telegram
foto ashyq aqparat kózinen alynǵan
foto ashyq aqparat kózinen alynǵan

20 jyldyqqa - 20-altyn medal. Taldyqorǵandyq qyzdar «Jetisý» voleıbol klýbynyń mereıtoıyna tamasha tartý jasady. Jýyrda Petropavlda 23 jasqa deıingi áıelder arasynda ótken el birinshiliginde top jardy. Osylaısha, «Jetisý-2» komandasy ekinshi jyl qatarynan chempıon atandy,

Almaty oblysynyń «Jetisý-2» qyzdar voleıbol klýby qazir naǵyz babynda. Joǵary lıgadaǵy eń úzdik komanda.  Jýyrda Petropavlda ótken el birinshiliginde ekinshi jyl qatarynan chempıon atandy. 5 týrǵa sozylǵan básekede 35 oıynnyń barlyǵyn jeńip, buryn-sońdy bolmaǵan úzdik nátıje kórsetti. Osylaısha, komanda músheleri, ıaǵnı 14 oıynshynyń barlyǵy da sport sheberligine qol jetkizdi.

Nııaz Jantileýov “Jetisý-2” voleıbol klýbynyń aǵa jattyqtyrýshysy:

 “Bizdiń klýbymyzdyń ashylǵanyna – 20 jyl. 20 jyldyqqa – 20-medal. Chempıon boldyq. 5-týr 29-chempıonat qarsańynda 35 oıyn boldy, jalpy 35 oıynda bizdiń qyzdar birde-bir oıynda utylmady, 102 ochko aldy. Tarıhı sát dese bolady. Tirkep qoıatyn da shyǵar” - dep bul jeńiske erekshe qýanyshty ekenin jetkizdi.

Jalpy 20 jyldyq tarıhy bar «Jetisý» voleıbol klýbynyń jetken jetistigi de az emes. Áıelder arasynda 8 dúrkin Qazaqstan chempıony, 8 márte el kýboginiń ıegeri atandy. Sonymen qatar jastar men jasóspirimder komandalary da oblys namysyn abyroımen qorǵap júr. Bir sózben aıtqanda, laıyqty izbasarlar ósip keledi. Al olardyń alańsyz daıyndalýyna oblys basshylyǵy tarapynan da qoldaý zor.

“4 jyl osy klýbta oınap kele jatyrmyn. Osy «Jetisý» komandasynda búkil jaǵdaılar jasalǵan. Turatyn jerimiz, qarjy, oqý ornymyz, bári qarastyrylǵan.  Meniń armanym – ulttyq lıgada jáne de osy Qazaqstan qurama komandasynyń oıynshysy bolǵym keledi”- deıdi “Jetisý-2” voleıbol klýbynyń oıynshysy Zarına Mýbarakzıanova.

«Jetisý-2» komandasy aldaǵy ýaqytta ulttyq lıgaǵa ótýdi maqsat etip otyr. Sondyqtan kelesi maýsymǵa qyzý daıyndyq ústinde. Onyń ústine klýbtyń 10 oıynshysy jýyrda ótetin ýnıversıadada óńir namysyn qorǵap, chempıondyq ataqty saqtap qalýǵa kúsh salmaq.

 

Pikirler