7 tamyzdan 8 tamyzǵa qaraǵan túni 2024 jylǵy Parıjdegi Olımpıadada fınalǵa ótken qazaqtyń qos sportshysy kúmis júldege ıe boldy, dep habarlaıdy “Adyrna” ulttyq portaly.
Kúmiske ıe bolǵan sportshynyń biri –qazaq balýany Demeý Jadyraev. Ol grek-rım kúresinen 77 keli salmaq dárejesindegi fınaldyq básekede japonııalyq Nao Kýsakaǵa ese jiberip, Parıj Olımpıadasynyń kúmis medalin ıelendi.
Bul 20 jyldan keıin alǵash ret grek-rım kúresinen qazaqstandyq sportshynyń fınalǵa shyǵýy. 2004 jylǵy Afına Olımpıadasynda asa aýyr salmaq dárejesinde Georgıı ýrýmııa kúmis júldege qol jetkizgen edi.
Ekinshi kúmistiń ıesi – boksshy Nurbek Oralbaı. 80 keli salmaq dárejesinde Parıj sharshy alańyna shyqqan qazaqstandyq boksshy fınalda ýkraınalyq Aleksandr Hıjnıakqa ese jiberdi.
