Tbiliside ötken baspasöz mäslihatynda qazaqstandyq jurnalist Janbota Tölegennıŋ ölımıne qatysty egjei-tegjeilı aqparat aityldy, dep habarlaidy "Adyrna" portaly. Būl turaly qoǧam belsendısı Dina Taŋsärı Facebook paraqşasynda jazdy.
Dina Taŋsärı Janbota Tölegendı öltırdı degen küdıktı Gabriel Hohobaşvilidıŋ qazaqstandyq jurnalispen 2015 jyldan berı qarym-qatynasta bolǧanyn, bıraq olardyŋ bırge tūrmaǧanyn aitty. Ol bırneşe ret kelıp, odan ünemı aqşa bopsalaǧan. Äiel oǧan sendı, ol bolsa ony paidalandy. Küdıktı Janbotadan bölek, 2016 jyly Qazaqstanda basqa äielge üilenıp, Gruziiada bırınşı nekesınen balaly bolǧan.
«Kısı öltıruşı Janbotany aldap, mülıktı satyp, aqşany aiyrbastau punktınde auystyryp jıberdı. Janbotanyŋ äpkesı satu-satyp aludy rastaityn qajettı qūjattardy jinap, osy aqşa aiyrbastau punktın tapty. Gruziia prokuraturasy Qazaqstan bankterıne Janbotada esepşottyŋ bar-joǧy jäne üidı satudan tüsken aqşany esepşotqa saluy mümkın be degen saual joldaǧan. Sondai-aq aiyrbastau punktınde ırı kölemdegı aqşanyŋ şetel valiutasyna aiyrbastalǧany turaly da anyqtaldy», - dep jazdy Dina Taŋsärı äleumettık jelıde.
18 mamyrda olar üidı satyp, 20 mamyrda olar Tbiliside boldy, al 21 mamyrda ol ony öltırıp, denesın Kahetidegı özenge laqtyryp jıberdı. 22 mamyrda küdıktı kölık satyp alyp, balalaryna üş ret baryp qaitqan. 27 mamyrda ony Gruziia polisiiasy ūstady. Er adam kısı öltırgenı üşın kınäsın moiyndady, bıraq aqşany tärkıleu üşın qasaqana jasalǧanyn joqqa şyǧardy. Onyŋ satyp alǧan kölıgı tärkılendı.
Eske sala keteiık, Janbota 3-şı toptaǧy mügedek bolyp, onkologiiamen auyrǧan. Küdıktı ony Gruziiada emdeitınıne uäde bergen. Alaida ol äieldı basynan kırpışpen ūryp öltırıp, özenge laqtyryp jıbergen.
Eger küdıktınıŋ nietı men qarjylyq müddesı däleldense, ol 20 jylǧa deiın bas bostandyǧynan aiyryluy mümkın.
Būǧan deiın QR Syrtqy ıster ministrlıgınıŋ mälımetınşe, Gruziiada jurnalistıŋ öltırıluı onyŋ käsıbi qyzmetıne qatysy joq ekenın habarlanǧan bolatyn.
"Adyrna" ūlttyq portaly
Ūqsas jaŋalyqtar
