Mamyr aıynyń ortasynan beri áriptesteri Janbota Tólegendi izdep, onyń 21 mamyrda Telavıde óltirilgeni belgili boldy. Bul týraly jýrnalıst Názıra Dárimbet Facebook jelisinde jazdy, dep habardaıdy “Adyrna” ulttyq portaly.
Onyń aıtýynsha, Janbotanyń óltirilgenin synyptastary habarlaǵan.
Názıra Dárimbet osy postynda Qazaqstan syrtqy ister mınıstrliginen alynǵan jazbasha derekti qosa jarııalaǵan. Onda Grýzııa quzyrly oryndarynan alynǵan málimetke siltep, jýrnalıstiń kisi qolynan qaza tapqany habarlanǵan. Soǵan oraı "qasaqana kisi óltirý" baby boıynsha tergeý jumystary bastalǵany, kúdiktiniń ustalǵany, máıittiń saraptamada ekeni jáne tekserý aıaqtalǵany aıtylǵan.
Al Názıra Dárimbet qansha quzyrly orynnan túsken málimet bolsa da, buǵan sene almaı turǵanyn, qatty alańdaýly ekenin bildirgen.
"Janbotany 21 mamyr kúni Grýzııada Telavı qalasynda óltirgenin synyptastary habarlady! Bir aıdan beri baılanysqa shyqpaı qalyp edi. Onymen bir jobamyz bar edi, ol maǵan bir nárseni aýdarýǵa kómektesti. Al biz onymen bul jobany áli aıaqtaǵan joqpyz. Ol bárin muqııat, jaqsy aýdarǵan, ol saýatty adam, oryssha- qazaqsha jazady. Janbota Tólegendi biletinderińiz bar shyǵar. Ol jýrnalıst – bizdiń áriptesimiz. Men endi ne oılaıtynymdy bilmeımin. Ol menimen sońǵy ret 19 mamyrda WhatsApp arqyly habarlasqan bolatyn..." dep jazǵan Názıra Dárimbet.
Óziniń jazýynsha, sońynan ol Janbotanyń úıine barsa kerek. Alǵashynda birge turatyn týysy onyń bir jaqqa ketkenin ǵana aıtqan. Odan keıin Názıra Dárimbet bir kúnnen keıin 9 maýsym kúni ýchaskelik polıııa qyzmetkeri Baǵdattyń telefon nómirin taýyp, baılanysqan. Al senbi kúni, 10 maýsymda ol úıine kúndiz jáne keshke barǵan, biraq eshkim esik ashpaǵan. "Jaqynda onyń densaýlyǵy nasharlap aıaǵy men beli aýyrdy. Ol úıde áreń qozǵalatyn jáne kenet bir jerge ketedi degen - eshkim oıynda joq",- dep jazǵan Názıra Dárimbet.
"Janbotany tanıtyndar biledi, onyń aıaǵy aýyrady, aqsaq, múgedek. Ol alys jolǵa eshkimge eskertpesten kete almaıdy, ol óte jaýapty. Shynymdy aıtsam, men qatty ýaıymdaımyn jáne ne oılarymdy bilmeımin. Onda bári jaqsy dep úmittenemin. Janbota, osy postty kórseń jaýap bershi, sende bári jaqsy bolsyn, men beker úreılenip jatqan shyǵarmyn. Beker shý shyǵarsam keshirińizder. Dostar, zańgerler, ne isteýge bolady, adamdy tabýǵa bolady? Keńes berińizder! Men sharasyzbyn",- dep jazǵan Názıra Dárimbet.
