Qajylyqta ystyqtan adamdar qyryluda

Qajylyq kezınde 500-den astam adam köz jūmdy, dep habarlaidy "Adyrna" ūlttyq portaly TheGuardian.com-ǧa sıltep. Qajylyq kezınde aptap ystyqtan qaitys bolǧandardyŋ 320-sy Mysyrdan kelgenı anyqtaldy. Saud Arabiiasy bilıgı qajylyqta 2000-nan astam adamnan ystyq ötıp, em alǧanyn mälımdedı. Sebebı mūnda aua temperaturasy 17 mausym künı Mekkedegı Haram meşıtınde aua temperaturasy 51,8 gradusqa jetken. Saud Arabiiasynyŋ zertteuıne säikes, aimaqtaǧy temperatura är onjyldyqta 0,4 gradusqa köterılgen. Aptap ystyqtan qaza tapqandardyŋ 60-y iordaniialyq azamat ekenı belgılı boldy. Osy tūsta bilık qajylyqqa kelıp, paryzyn öteitın turisterge aptap ystyqta qolşatyrlardy qoldanyp, künnıŋ eŋ ystyq kezınde kün säulesınen aulaq boluǧa keŋes berude. Alaida qajylar däl qazır Arafat tauynda dūǧa etu sekıldı köptegen qajylyq räsımder aşyq auada ūzaq otyrudy qajet etetının aitady. Osyǧan orai turister jol jiekterınde adam mäiıtterın körgenderın de habarlady.