Batys Qazaqstan oblysyndaǵy aýylda on bir jastaǵy oqýshy abaısyzda ózin-ózi atyp óltirdi, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
Tragedııa 16 shildede Bókeıorda aýdanynyń Bısen aýylynda boldy, dep habarlady aýdan ákimdigi.
«Otbasynyń turmysy jaqsy. Otaǵasy sharýa qojalyǵymen aınalysady, tórt balany tárbıelep otyr. Qaıǵyly jaǵdaı dál qalaı bolǵanyn biz aıta almaımyz», - dep túsinikteme berdi Bókeıorda aýdany ákimdiginiń ókili.
Densaýlyq saqtaý basqarmasynyń baspasóz qyzmeti oq balanyń moınyna tıgenin atap ótti.
Bul ýaqytta ata-anasy úıde bolmaǵan.
Bala jedel járdem kelgenge deıin kóz jumdy, dep habarlady densaýlyq saqtaý basqarmasynyń baspasóz qyzmeti. Bıyl oqýshy 6-synypty aıaqtaǵan.
Buǵan deıin polıeıler qarý-jaraqty qoldaný erejesin eske salǵan: qarýdy oqtap qoıýǵa bolmaıdy, ony eshqashan adamǵa kezenbeńiz, oq atatyn oıyńyz bolmasa, myltyqtyń tartpasyna saýsaǵyńyzdy tıgizbeńiz, balalardan aýlaq ustańyz.
"Adyrna" ulttyq portaly
