Qaraǵandy oblysynda Túrkistan oblysynan shaqyrylǵan merzimdi qyzmettegi 18 jastaǵy sarbaz Ramazan Jaqyp qaıtys boldy, dep habarlaıdy "Adyrna" ulttyq portaly QazTAG saıtyna silteme jasap.
Saıt málimetinshe, sarbaz menıngıttiń jedel túrinen qaıtys bolǵan. Anasy ulymen sońǵy ret 31 qańtar kúni jeksenbide sóıleskenin aıtty.
– Ulym úsh kún boıy ekpe saldyrǵanyn aıtty. Ony aýrýhanaǵa jatqyzbaǵan, úsh saǵat boıy narıadqa shyǵýdy jalǵastyrǵan. Men medbıkelermen telefon arqyly sóılestim. Olar oǵan ekpe salynbaǵanyn, tipti paraetamol berilmegenin aıtty, – dedi beısenbi kúni marqumnyń anasy Altynaı Qulataeva.
Sarbaz tonzıllıt pen joǵary temperatýradan aýyryp jatqanyn aıtyp shaǵymdanǵan. Qulataeva atap ótkendeı, jigit áskerı bólimde qaıtys bolǵan. Qaıǵyly jaǵdaıdyń sebebi – jedel menıngokokk ınfekııasy.
6505 áskerı bólimi brıgadasy komandıriniń orynbasary Arman Seıitovtyń aıtýynsha, 2 aqpan kúni saǵat 8:00-de 6505 bóliminiń sarbazy Jaqyp Ramazan Meırambekuly jalpy álsizdikke, dimkástikke shaǵym túsirgen.
– Sanıtar nusqaýshynyń qaraýynan keıin ol Abaı qalasynyń ortalyq aýrýhanasyna jetkizildi Medıınalyq tekserý barysynda sarbazdyń jaǵdaıy kúrt nasharlap, jansaqtaý bólimine jatqyzyldy. Saǵat 11.00-de dárigerler qatardaǵy Jaqyptyń qaıtys bolǵanyn anyqtaǵan. Sot-medıınalyq saraptamasyna sáıkes, áskerı qyzmetshiniń ólimine jedel menıngokokk ınfekııasy sebep bolǵan. Týǵan-týystary men jaqyndaryna qaıǵyryp kóńil aıtamyz, – dedi Arman Seıitov.
