Aqtau–Astana baǧytyndaǧy reiste ūşaq kapitany jolauşylarǧa tek orys jäne aǧylşyn tılderınde söilegen, dep habarlaidy "Adyrna" ūlttyq portaly.
Orda.kz deregınşe, Threads jelısınde beimalim atty qoldanuşy FlyArystan bortynda tıl turaly dau bolǧanyn habarlaǧan.
Ol qazaq tılındegı habarlandyrudy sūraǧanda, jolserık oǧan «Mūny sız şeşpeisız» dep, orysşa jauap bergen.
«Sapar barysynda taǧy sūradym: kapitan nege qazaqşa söilemeidı? Jolserık Äliia Ädılbekqyzy “kapitan orys tılınde söileidı, sondyqtan ekı tılde ǧana habarlaidy” dedı. Tūtynuşy qūqyǧym būzylyp jatqanyn aitqanda, “sız şeşpeisız (ne vam reşat)” dep jauap berdı», — dep jazdy jolauşy.
Kompaniia būl jaǧdaiǧa qatysty tüsınıkteme berdı. FlyArystan mälımdemesıne säikes, reis kezınde barlyq habarlandyrular memlekettık tılde aǧa bortserık tarapynan jasalǧan.
«FS7376 Aqtau–Astana reisınde qazaq tılındegı aqparat aǧa bortserık tarapynan berıldı. Jolauşy ūşqyştyŋ jeke özı qazaq tılınde habarlaǧanyn talap etken. Barlyq habarlandyrular zaŋnamaǧa jäne halyqaralyq azamattyq aviasiia täjıribesıne sai oryndaldy», — delıngen kompaniia habarlamasynda.
Būǧan ūqsas jaǧdaidy basqa Threads qoldanuşysy da atap öttı.
Ol Qostanai–Astana reisınde ūşqyş tek orys jäne aǧylşyn tılderınde söilegenın jazǧan.
«Bort kapitany Stepan Podkrytov qazaqşa amandasyp, qoştaspady. Sūraǧanymda, jolserık “aviakompaniiada ondai talap joq” dedı», - deidı ol.
Aita keteiık, tamyz aiynda da däl osy aviakompaniia qyzmetkerlerı men jolauşy arasynda tıl turaly dau tuǧan.
