«QazTransGaz Aımaq» akıonerlik qoǵamyna jarty mlrd teńge aıyppul salyndy. Bul týraly Almaty qalasynyń prokýratýrasy aıtty, dep habarlaıdy «Adyrna» tilshisi.
«QazTransGaz Aımaq» AQ Almaty óndiristik fılıalynyń qyzmetine júrgizilgen tekserý barysynda ústem jáne monopolııalyq jaǵdaıdy teris paıdalaný faktileri anyqtaldy. Mysaly, monopolıstterdiń sharty boıynsha kásipkerler gazdyń paıdalanylmaǵan kólemi úshin gaz qunynyń 10 paıyzyn zańsyz tólem kelgen.
Ústem jáne monopolııalyq jaǵdaıyn teris paıdalanǵany úshin «QazTransGaz Aımaq» AQ fılıaly «Ákimshilik quqyq buzýshylyq týraly» Kodekstiń 159-baby 3-1-bóligi boıynsha jaýapqa tartylyp, 497,1 mln. teńge kóleminde aıyppul salyndy»,—delingen habarlamada.
Prokýratýranyń aıtýynsha,
2022 jyly tabıǵı monopolııa sýbektisi, kórsetetin qyzmetter kóleminiń ósýine qaramastan, kompanııa 2023 jylǵa arnalǵan tarıfti tómendetpegen.
«Osyǵan baılanysty Tabıǵı monopolııalardy retteý departamentiniń qadaǵalaý aktisimen bıyl 1 sáýirden bastap taýarlyq gazdy tasymaldaý tarıfin 6%, 1000 m3 úshin 4 099,25 teńgeden 1000 m3 3 848,03 teńgege deıin tómendetý týraly buıryq shyǵaryldy»,—dep tolyqtyrdy basqarma.
