"Para aldy" dep aiyptalǧan Almaty oblysyndaǧy Esık qalasynyŋ būrynǧy äkımı aiyppūl arqalady, dep habarlaidy "Adyrna" tılşısı Tengrinews.kz-ke sıltep.
Is materialdaryna säikes, Esıktıŋ äkımı Ashat Aŋsatbaev serıktestıkpen 32 million teŋgege balalar alaŋdaryn abattandyru turaly şart jasasqan. Merdıger mekemenıŋ basşysy jūmysty oryndau üşın özınıŋ dosy R. esımdı azamatpen bırlesken.
Esıktıŋ eks-äkımı 2023 jyldyŋ tamyz aiynda qūrylystardyŋ bırıne baryp, jūmys sapasyna qatysty eskertuler aityp, olardy joiudy talap etken. Alaida merdıger R. azamat äkımmen dostyq qarym-qatynas ornatu maqsatynda tuǧan künıne qūny 234 myŋ teŋge bolatyn qymbat sömke syilaǧan.
Äkım būl äreketten soŋ käsıpker tarapynan oryndalǧan jūmystardyŋ qalǧan aktılerıne kedergısız qol qoiǧan. Sondai-aq, basşy jürgızılgen jūmystar üşın qosymşa aqşa alu mümkındıgın ūsynyp, käsıpkerden 2 million teŋge somasynda para dämetken. 2023 jylǧy 6 qazanda Rahmetov atalǧan qarajatty Ansatbaevqa onyŋ orynbasary arqyly berdı.
Sot prosesınde ekı sottaluşy da öz kınäsın moiyndady. Eks-äkım būl äreketke ökınetının aityp, bas bostandyǧynan aiyrmaudy sūraǧan.
7 aqpanda sot ükımı boiynşaAshat Aŋsatbaev "para aldy" dep aiyptalyp, alǧan sommanyŋ 50 eselengen kölemın, iaǧni 100 million teŋge mölşerınde aiyppūl türındegı jaza arqalady. Sondai-aq, şeneunık memlekettık qyzmetpen ainalysu qūqyǧynan ömır boiyna aiyryldy.
Al käsıpker Rahmetov 367-bapqa säikes "para beru" boiynşa kınälı dep tanylyp, oǧan 13 ese, iaǧni 60 million teŋge kölemınde aiyppūl taǧaiyndaldy.
Sot ükımı älı zaŋdy küşıne engen joq.
Ūqsas jaŋalyqtar
