«قازترانسگاز ايماق» اكتسيونەرلىك قوعامىنا جارتى ملرد تەڭگە ايىپپۇل سالىندى. بۇل تۋرالى الماتى قالاسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى.
«قازترانسگاز ايماق» اق الماتى وندىرىستىك فيليالىنىڭ قىزمەتىنە جۇرگىزىلگەن تەكسەرۋ بارىسىندا ۇستەم جانە مونوپوليالىق جاعدايدى تەرىس پايدالانۋ فاكتىلەرى انىقتالدى. مىسالى، مونوپوليستتەردىڭ شارتى بويىنشا كاسىپكەرلەر گازدىڭ پايدالانىلماعان كولەمى ءۇشىن گاز قۇنىنىڭ 10 پايىزىن زاڭسىز تولەم كەلگەن.
ۇستەم جانە مونوپوليالىق جاعدايىن تەرىس پايدالانعانى ءۇشىن «قازترانسگاز ايماق» اق فيليالى «اكىمشىلىك قۇقىق بۇزۋشىلىق تۋرالى» كودەكستىڭ 159-بابى 3-1-بولىگى بويىنشا جاۋاپقا تارتىلىپ، 497,1 ملن. تەڭگە كولەمىندە ايىپپۇل سالىندى»،—دەلىنگەن حابارلامادا.
پروكۋراتۋرانىڭ ايتۋىنشا،
2022 جىلى تابيعي مونوپوليا سۋبەكتىسى، كورسەتەتىن قىزمەتتەر كولەمىنىڭ وسۋىنە قاراماستان، كومپانيا 2023 جىلعا ارنالعان ءتاريفتى تومەندەتپەگەن.
«وسىعان بايلانىستى تابيعي مونوپوليالاردى رەتتەۋ دەپارتامەنتىنىڭ قاداعالاۋ اكتىسىمەن بيىل 1 ساۋىردەن باستاپ تاۋارلىق گازدى تاسىمالداۋ ءتاريفىن 6%، 1000 م3 ءۇشىن 4 099,25 تەڭگەدەن 1000 م3 3 848,03 تەڭگەگە دەيىن تومەندەتۋ تۋرالى بۇيرىق شىعارىلدى»،—دەپ تولىقتىردى باسقارما.
