Ekologtar tekserısınen keiın "ArselorMittal Temırtau" kompaniiasyna auany lastaǧany üşın 1 mlrd teŋgeden astam aiyppūl salyndy. Būl turaly Qaraǧandy oblysy boiynşa Ekologiia departamentı mälımdedı, dep habarlaidy “Adyrna” ūlttyq portaly.
05.09.2022 jäne 03.10.2022 jyldar aralyǧynda "ArselorMittal Temırtau" AQ-ǧa qatysty "Jol kartasy" baǧdarlamasyn ıske asyru şeŋberınde kompaniianyŋ barlyq käsıporyndardaǧy sehtaryna jospardan tys tekserıs jürgızıldı. Tekseru barysynda departament kompaniianyŋ Qazaqstan Respublikasynyŋ tabiǧatty qorǧau zaŋnamasyn öreskel būzuşylyqtardyŋ bırqataryn anyqtady, - delıngen vedomstvo habarlamasynda.Negızgı zaŋ būzuşylyqtar koksteu, JEO-2, aglomerasiia, domna peşı, № 2, № 3 ,äk küidıru sehy siiaqty sehtar üşın rūqsat etılgen şektı şyǧaryndylardyŋ belgılengen normativterınen asyp tüstı. Anyqtalǧan zaŋ būzuşylyqtar üşın Departamentpen tabiǧatty qorǧau zaŋnamasyn būzǧany üşın 1 207 287 661 teŋge somasynda äkımşılık aiyppūl salyndy. Aita keteiık, Temırtau qalasynyŋ äkımşılık sotynyŋ qaulysymen "ArselorMittal Temırtau" AQ üşın 2023 jyldyŋ 15 tamyzyna deiın aiyppūldy üş kezeŋ boiynşa bölıp töleu jospary belgılendı.
Ūqsas jaŋalyqtar
