Astanada «Astana Recycling Plant» kompaniiasyna baǧany negızsız kötergenı üşın aiyppūl salyndy, dep habarlaidy «Adyrna» tılşısı QazTAG-qa sılteme jasap.
Arnaiy äkımşılık sottyŋ şeşımımen kompaniiaǧa jalpy somasy 54 mln teŋge kölemınde aiyppūl töleu mındettelgen. Bäsekelestıktı qorǧau jäne damytu agenttıgı somanyŋ tolyq ötelgenın jetkızdı.
Aqparatqa säikes, BQA departamentı Astana qalasynyŋ Baiqoŋyr audany prokuraturasyn üilestıru kezınde qatty tūrmystyq qaldyqtardy sūryptau jäne qaita öŋdeu boiynşa qyzmetter salasynda tergeu jürgızgen.
«Tergeu barysynda «Astana Recycling Plant» JŞS qyzmetınde 2023 jyldyŋ ekınşı jartyjyldyǧynda QTQ qabyldau, sūryptau jäne qaita öŋdeu boiynşa qyzmetter naryǧynda monopoliialyq joǧary baǧalardy belgıleu faktısı anyqtaldy. QTQ qabyldau, sūryptau jäne qaita öŋdeu boiynşa qyzmetterdı körsetuge bailanysty emes şyǧyndar körsetıletın qyzmetterdıŋ özındık qūnyna negızsız jatqyzylǧany anyqtaldy», - delıngen habarlamada.
Kompra mälımetterıne süiensek, atalǧan kezeŋde «Astana Recycling Plant» käsıpornynyŋ jalǧyz qūryltaişysy — «Green Future Management Ltd» jeke kompaniiasy bolǧan. Jurnalist Dmitrii Şişkinnıŋ aqparaty boiynşa, būl kompaniianyŋ qūryltaişysy ärı jetekşısı retınde Maqsat Moldaşov tırkelgen. Ol Äliia Nazarbaevanyŋ jäne onyŋ nemere sıŋlısı Karina Alpysbaevanyŋ qūrylymdarymen bailanysty tūlǧa retınde belgılı. Şişkin būǧan deiın atap ötkendei, «Green Future Management Ltd.» kompaniiasy Qazaqstannyŋ eks-prezidentınıŋ kenje qyzyna tiesılı qoqys öŋdeu jäne kädege jaratu biznesınde jüie qūrauşy röl atqarǧan.
Aita keteiık, 2023 jylǧy qyrküiekte ministr Erlan Nysanbaev kompaniia qoqys tasymalymen ainalyspaidy dep mälımdegen, bıraq keiın būl aqparat şyndyqqa säikes kelmeitını belgılı bolǧan.
