Ózbekstanda áıelder quqyǵyn buzǵan azamatqa 6 mıllıon sým ($537) aıyppul salyndy, dep habarlaıdy "Adyrna" tilshisi fergana.agency-ǵa silteme jasap.
Shaıhantahýr aýdandyq soty kafe ıesi men onyń qyzmetkerine 6,6 mıllıon sým ($537) aıyppul salǵan.
Tashkenttegi kafelerdiń biri 22:30-dan keıin áıelderdi mekemege kirgizýden bas tartqan.
Ózbekstandyq jýrnalıst Inobat Ahatova 18 qarasha kúni dostarymen "Anhor" saıabaǵynyń janyndaǵy kafede otyrýdy josparlady. Alaıda mekeme qyzmetkeri 22:30-dan keıin áıelderge kirýge tyıym salynatynyn aıtyp, ishke kirgizbeıdi.
Osydan keıin Ahatova el Prezıdentiniń portalyna shaǵym jazyp, quqyq qorǵaý organdaryna joldanǵan aryzy qaralady.
Jýrnalıst atap ótkendeı, kafe qyzmetkerleri ishke erejelerimen genderlik teńdik qaǵıdatyn buzǵan.
Aıyppul arqalaǵandar kináni moıyndady. Al oqıǵa oryn alǵan mekemeniń ıesi beıne úndeý jazyp, áıelderden keshirim surap, bul áreketine ókinetinin aıtty.
Ahatovanyń sózinshe, jýrnalısti qoldaǵandarmen qatar, sókkender de bolǵan. Oqyrmandary áıel adamǵa keshkisin kóshege júrmeýge keńes berip te jatyr.
