Taraz qalasynda aldyŋǧy sol jaq esıgı joq Volkswagen avtokölıgın basqarǧan jürgızuşı äkımşılık jauapkerşılıkke tartyldy, dep habarlaidy "Adyrna".
Ol kölıktı jöndeu ornyna jetkızbek bolǧan. Būl turaly Jambyl oblystyq polisiia departamentı mälımdedı.
Patruldık polisiia qyzmetkerlerı Töle bi daŋǧylynda qozǧalyp bara jatqan esıgı joq avtokölıktı baiqap, jürgızuşını toqtatqan.
Polisiia mälımetınşe, kölık ūzaq uaqyt boiy paidalanylmai, bır orynda tūrǧan. Jürgızuşı ony tehnikalyq qyzmet körsetu stansiiasyna jetkızu üşın evakuator şaqyrmai, özdıgınen jürgızıp barudy ūiǧarǧan.
Alaida mūndai tehnikalyq aqauy bar kölıktı basqaru jol qozǧalysyna qatysuşylardyŋ qauıpsızdıgıne qater töndıredı. Osyǧan bailanysty jürgızuşı Äkımşılık qūqyq būzuşylyq turaly kodekstıŋ 590-babynyŋ 5-bölıgı boiynşa jauapqa tartyldy. Oǧan 5 AEK mölşerınde, iaǧni 21 615 teŋge aiyppūl salyndy.
Polisiia ökılderı tehnikalyq talaptarǧa sai kelmeitın kölıktı jöndeu ornyna evakuatormen jetkızu qajettıgın eskerttı. Būl jürgızuşınıŋ de, özge jol qozǧalysyna qatysuşylardyŋ da qauıpsızdıgı üşın maŋyzdy.
