Bügın Europanyŋ elitasy İtaliia Respublikasynyŋ Rim qalasynda Qazaq än-küi önerınıŋ qara şaŋyraǧy Qūrmanǧazy atyndaǧy Qazaq ūlttyq halyq aspaptar orkestrı «Köşpendıler äuenı» atty gastroldık konsertın ötkızdı. İtaliia astanasyna ūiymdastyrylǧan konsertke önersüier şahar jūrtşylyǧy jinaldy.
Qazaqtyŋ töl tuyndylaryn dünie jüzı halyqtarynŪlttyq jäne älemdık klassikalyq, qazaq än-küiınıŋ erekşe koloritke ie tuyndylaryn italiiandyq körermenge tartu ettı. Qūrmanǧazy orkestrınıŋ 90 jyldyq mereitoiy aiasynda ūiymdastyrylǧan gastroldık konsertte Ūlttyq orkestrmen qatar QR eŋbek sıŋırgen qairatkerı Batyrjan Myqtybaev, dästürlı änşı Serjan Mūsaiyn, Halyqaralyq konkurstardyŋ laureaty Äsel Raqymjan, Aqaişa Jūrbai, Raffaele Collienza, Rim qalasyndaǧy Santa Chechiliia muzykalyq konservatoriiasynyŋ tülegı Laura Ali öner körsettı.
Sondai-aq, orkestrdıŋ bas dirijerı İtaliia Respublikasyna josparlanǧan turne turaly oiymen bölıstı:
Ūlttyq orkestr būǧan deiın älemnıŋ 90-ǧa juyq memleketınde öner körsetıp, qazaqtyŋ töl mädenietın, töl muzykasyn, «Qazaq» degen ūly eldıŋ bar ekenın ūlttyq muzykalyq aspaptardyŋ äuezdı ünımen tanytyp keledı. Al, biyl älemdık klassikanyŋ otanyna ainalǧan İtaliia jerınde kezektı gastroldık konsertımızdı ötkızu būiyrypty. Būl biylǧa şetelge ūiymdastyrylǧan ekınşı gastroldık saparymyz. Osy gastroldık saparda Qūrmanǧazy orkestrınıŋ mereilı 90 mausymynyŋ şymyldyǧy türıldı. Bızdıŋ auqymdy deŋgeidegı konsertımızge qoldau bıldırgen Qazaqstan Respublikasy Mädeniet jäne sport ministrlıgıne jäne Qazaqstan Respublikasynyŋ İtaliia Respublikasyndaǧy Tötenşe jäne Ökılettı elşısı Erbolat Näsenūlyna, Qazaqstan Respublikasynyŋ San-Marino memleketındegı qūrmettı konsuly Pomponi Giovanni myrzaǧa Qūrmanǧazy orkestrınıŋ ūjymy atynan alǧysymyzdy bıldıremız.
Orkestr direktory Medet Ermekqaliūly atalmyş gastroldık sapardyŋ qandai maqsatta ūiymdastyrylǧanyn tüsındırdı:
Būl gastroldık sapar – Qūrmanǧazy orkestrınıŋ İtaliia Respublikasyna ūiymdastyrǧan alǧaşqy sapary emes. Būǧan deiın 2004 jyly Europanyŋ mädeni jäne tarihi ortalyǧy, älemdık mädeni eskertkışterdıŋ altyn qazyǧyna ainalǧan köne memleketke Qūrmanǧazy orkestrınıŋ qūrylǧanyna 70 jyl toluyna orai turne ötkızgen bolatynbyz. Araǧa 20 jyl salyp, tarihi oqiǧany qaitaladyq. Gastroldık sapardy İtaliianyŋ astanasy Rim qalasynan bastadyq. Neapol, Florensiia qalalarynda auqymdy deŋgeidegı sapar jalǧasyn tabady. Ūlttyq muzykalyq mūrany osylaişa küllı älem halyqtaryna paş etıp,ūlttyq aspaptardyŋ kömeiınen şyqqan sazdy äuenmen ūlt mädenietın tanytu – Ūlttyq orkestrdıŋ basty paryzy.
Konsert soŋynda Qūrmanǧazy atyndaǧy Qazaq ūlttyq halyq aspaptar orkestrınıŋ direktory Quanyşev Medet Ermekqaliūly Qazaqstan Respublikasynyŋ İtaliia Respublikasyndaǧy Tötenşe jäne Ökılettı elşısı Erbolat Näsenūlyna, Qazaqstan Respublikasynyŋ San-Marino memleketındegı qūrmettı konsuly Pomponi Giovanni myrzaǧa qazaqi dästürge sai şapan jauyp, şyǧarmaşylyq qoldaulary üşın alǧys bıldırdı.
Orkestrdıŋ İtaliiaǧa ūiymdastyrǧan gastroldık konsertı Neapol jäne Florensiia qalalaryndaǧy konserttermen jalǧasyn tabady.
