Búgin Eýropanyń elıtasy Italııa Respýblıkasynyń Rım qalasynda Qazaq án-kúı óneriniń qara shańyraǵy Qurmanǵazy atyndaǵy Qazaq ulttyq halyq aspaptar orkestri «Kóshpendiler áýeni» atty gastroldik konertin ótkizdi. Italııa astanasyna uıymdastyrylǵan konertke ónersúıer shahar jurtshylyǵy jınaldy.
Qazaqtyń tól týyndylaryn dúnıe júzi halyqtarynUlttyq jáne álemdik klassıkalyq, qazaq án-kúıiniń erekshe kolorıtke ıe týyndylaryn ıtalııandyq kórermenge tartý etti. Qurmanǵazy orkestriniń 90 jyldyq mereıtoıy aıasynda uıymdastyrylǵan gastroldik konertte Ulttyq orkestrmen qatar QR eńbek sińirgen qaıratkeri Batyrjan Myqtybaev, dástúrli ánshi Serjan Musaıyn, Halyqaralyq konkýrstardyń laýreaty Ásel Raqymjan, Aqaısha Jurbaı, Raffaele Collienza, Rım qalasyndaǵy Santa Chechılııa mýzykalyq konservatorııasynyń túlegi Laýra Alı óner kórsetti.
Sondaı-aq, orkestrdiń bas dırıjeri Italııa Respýblıkasyna josparlanǵan týrne týraly oıymen bólisti:
Ulttyq orkestr buǵan deıin álemniń 90-ǵa jýyq memleketinde óner kórsetip, qazaqtyń tól mádenıetin, tól mýzykasyn, «Qazaq» degen uly eldiń bar ekenin ulttyq mýzykalyq aspaptardyń áýezdi únimen tanytyp keledi. Al, bıyl álemdik klassıkanyń otanyna aınalǵan Italııa jerinde kezekti gastroldik konertimizdi ótkizý buıyrypty. Bul bıylǵa shetelge uıymdastyrylǵan ekinshi gastroldik saparymyz. Osy gastroldik saparda Qurmanǵazy orkestriniń mereıli 90 maýsymynyń shymyldyǵy túrildi. Bizdiń aýqymdy deńgeıdegi konertimizge qoldaý bildirgen Qazaqstan Respýblıkasy Mádenıet jáne sport mınıstrligine jáne Qazaqstan Respýblıkasynyń Italııa Respýblıkasyndaǵy Tótenshe jáne Ókiletti elshisi Erbolat Násenulyna, Qazaqstan Respýblıkasynyń San-Marıno memleketindegi qurmetti konsýly Pomponi Giovanni myrzaǵa Qurmanǵazy orkestriniń ujymy atynan alǵysymyzdy bildiremiz.
Orkestr dırektory Medet Ermekqalıuly atalmysh gastroldik sapardyń qandaı maqsatta uıymdastyrylǵanyn túsindirdi:
Bul gastroldik sapar – Qurmanǵazy orkestriniń Italııa Respýblıkasyna uıymdastyrǵan alǵashqy sapary emes. Buǵan deıin 2004 jyly Eýropanyń mádenı jáne tarıhı ortalyǵy, álemdik mádenı eskertkishterdiń altyn qazyǵyna aınalǵan kóne memleketke Qurmanǵazy orkestriniń qurylǵanyna 70 jyl tolýyna oraı týrne ótkizgen bolatynbyz. Araǵa 20 jyl salyp, tarıhı oqıǵany qaıtaladyq. Gastroldik sapardy Italııanyń astanasy Rım qalasynan bastadyq. Neapol, Florenııa qalalarynda aýqymdy deńgeıdegi sapar jalǵasyn tabady. Ulttyq mýzykalyq murany osylaısha kúlli álem halyqtaryna pash etip,ulttyq aspaptardyń kómeıinen shyqqan sazdy áýenmen ult mádenıetin tanytý – Ulttyq orkestrdiń basty paryzy.
Konert sońynda Qurmanǵazy atyndaǵy Qazaq ulttyq halyq aspaptar orkestriniń dırektory Qýanyshev Medet Ermekqalıuly Qazaqstan Respýblıkasynyń Italııa Respýblıkasyndaǵy Tótenshe jáne Ókiletti elshisi Erbolat Násenulyna, Qazaqstan Respýblıkasynyń San-Marıno memleketindegi qurmetti konsýly Pomponi Giovanni myrzaǵa qazaqı dástúrge saı shapan jaýyp, shyǵarmashylyq qoldaýlary úshin alǵys bildirdi.
Orkestrdiń Italııaǵa uıymdastyrǵan gastroldik konerti Neapol jáne Florenııa qalalaryndaǵy konerttermen jalǵasyn tabady.
