Petr Karımovtyń Ózbekstannyń tuńǵysh prezıdentiniń jesiri Tatıana Karımovaǵa qatysty talap aryzy Tashkent qalasynyń azamattyq ister jónindegi Iakkasaraı aýdanaralyq sotynda qaralady, dep habarlaıdy “Adyrna” ulttyq portaly Azattyqtyń ózbek bólimine silteme jasap.
26 maýsymǵa belgilengen otyrys týraly aqparat Joǵarǵy Sottyń saıtynda sot otyrystarynyń kesteleri bóliminde ornalastyrylǵan.
Tashkent qalalyq sotynyń saıtynda jazylǵandaı, qaralatyn is «muragerlik quqyǵynan týyndaıtyn daýlarǵa» qatysty.
Aıta keteıik, Petr Karımov - Ózbekstannyń tuńǵysh prezıdenti Islam Karımovtyń Natalıa Kýchmamen nekesinen týǵan tuńǵysh balasy. Ol 1969 jyly dúnıege kelgen. Sol jyly Islam Karımov pen Natalıa Kýchma ajyrasqan. Natalıa Kýchma 2008 jyly Tashkentte qaıtys boldy.
54 jastaǵy Petr Karımov 1990 jyldardan beri Máskeýde turady.
1988 jyly Tashkent halyq sharýashylyǵy ınstıtýtyn bitirgen Petr biraz ýaqyt bank-qarjy salasynda jáne «Ózbekstan áýe joldary» ulttyq avıakompanııasynyń Máskeýdegi ókildiginde jumys istegeni belgili.
2018 jyly «Uzbekistan Airways» ulttyq áýe kompanııasynda birneshe jyl jumys istegen Petr Karımov jumys berýshini sotqa berdi. Petr kompanııany 2017 jyly ákesi qaıtys bolǵannan keıin jumystan shyǵardy jáne oǵan qaryz aqsha tólemegen dep aıyptady. Sol jyldyń aıaǵyna qaraı talapker men jaýapker arasyndaǵy merziminen buryn bitimgershilik kelisimge kelýge baılanysty is jabylǵan bolatyn.
Ózbekstandy uzaq jyl basqarǵan Islam Karımov 2016 jyly qaıtys bolǵan.
