Resei prezidentı Vladimir Putin men AQŞ prezidentı Donald Tramptyŋ Qytai Halyq Respublikasynyŋ töraǧasy Si Szinpinmen kezdesuı 19 qaraşada Şenchjen qalasynda ötedı. Būl turaly Aq üi jariialaǧan AQŞ prezidentınıŋ jūmys kestesınde körsetılgen, dep habarlaidy «Adyrna» tılşısı.
Üşjaqty sammit Kylin Villa qonaqüi keşenınde ötedı dep josparlanǧan. Kelıssözder jergılıktı uaqyt boiynşa saǧat 14:30-da (Astana uaqytymen 11:30 – red.) bastalady.
Būǧan deiın Aziia-Tynyq mūhity ekonomikalyq yntymaqtastyǧy sammitı aiasynda ötetın Putin, Tramp jäne Si Szinpinnıŋ kezdesuınde iadrolyq qaru mäselesı negızgı taqyryptardyŋ bırı bolatyny habarlanǧan edı.
Qytaidyŋ South China Morning Post basylymynyŋ mälımetınşe, Ukrainadaǧy qaqtyǧys pen Korei tübegın iadrolyq qarusyzdandyru mäselelerı köşbasşylar kezdesuınde talqylanuy mümkın taqyryptar tızımınen ıs jüzınde alynyp tastalǧan.
Gazet derekközderınıŋ aituynşa, taraptar ortaq kelısımge kele alatyn baǧyttarǧa basymdyq berıp otyr. Atap aitqanda, üş eldıŋ basşylary iadrolyq arsenaldardy basqaru jüielerınde jasandy intellektını paidalanudy baqylau mäselesı boiynşa kelısımge keluı mümkın.
Köptı küptı qylǧan kezdesu ötetın kün qyzyqty bır datamen säikes kelıp otyr.
Ädette 19 qaraşa BŪŪ bastamasymen Düniejüzılık därethana künı retınde atap ötıledı. Būl atauly kün 2001 jyldyŋ qaraşasynda Singapurda naşar sanitariia mäselelerıne arnalǧan halyqaralyq konferensiiada jariialanǧan. 2026 jylǧy Düniejüzılık därethana künı sanitariia men genderlık teŋdıkke baǧyttalǧan. «Qauıpsız därethanalar. Teŋ mümkındıkter» ūranymen ötetın nauqan qauıpsız sanitariianyŋ äielder men qyzdardyŋ densaulyǧyn, fizikalyq qauıpsızdıgın, qadır-qasietın jäne mümkındıkterın qalai qorǧaitynyn, olarǧa bılım aluǧa, jūmys ısteuge jäne qoǧamǧa tolyqqandy qatysuǧa mümkındık beretının körsetedı.
