Özbekstanda tūŋǧyş prezidenttıŋ qyzy Gülnara Kärımovanyŋ Şveisariiadan qaitarylǧan qarajaty esebınen ana men näreste ölımın azaituǧa baǧyttalǧan baǧdarlama jüzege asty, dep habarlaidy "Adyrna" ūlttyq portaly.
Būl turaly eldıŋ ekonomika jäne qarjy ministrlıgınıŋ baspasöz qyzmetı habarlady.
2023 jyldyŋ qyrküiegınde bastalǧan joba BŪŪ Balalar qory, BŪŪ Halyq qonystanuy qory jäne Düniejüzılık densaulyq saqtau ūiymymen bırlesıp ıske asyrylǧan. Baǧdarlamaǧa jalpy 43,5 million dollar bölıngen.
Qarajat şetelden qaitarylǧan jäne Gülnara Kärımovamen bailanysty kompaniialardyŋ aktivterı şoǧyrlandyrylǧan «İşonch» (Uzbekistan Vision 2030) qory arqyly jūmsalǧan.
Joba aiasynda el boiynşa 231 perzenthana zamanaui medisinalyq jabdyqtarmen qamtamasyz etıldı. Onyŋ ışınde 31 million dollar jaŋa inkubatorlar, tynys aludy qoldau jüielerı, anesteziologiialyq qūrylǧylar jäne basqa da ömırlık maŋyzdy medisinalyq tehnikalardy satyp aluǧa baǧyttaldy.
Sonymen qatar 80 myŋnan astam medisina qyzmetkerı bılıktılıgın arttyru kursynan öttı. Oqytu baǧdarlamasy perinataldyq kömektıŋ zamanaui ädısterın, joǧary qauıp tobyndaǧy jüktı äielderdı jürgızu jäne zerthanalyq diagnostika salalaryn qamtydy. Būdan bölek, özbek därıgerlerıne ana men näreste densaulyǧyn qorǧauǧa arnalǧan 49 klinikalyq hattamany äzırleu men jaŋartu boiynşa ädıstemelık qoldau körsetıldı.
Baǧdarlamanyŋ taǧy bır baǧyty jüktı äielderdıŋ tūraqty medisinalyq baqylaudan ötuınıŋ maŋyzyn tüsındıruge arnalǧan aqparattyq nauqan boldy. Sonyŋ nätijesınde 4 millionnan astam adam sapaly medisinalyq qyzmetke qol jetkızgen.
Resmi statistikaǧa säikes, joba ıske qosylǧannan keiın eldegı ana ölımı 14,5 paiyzǧa tömendegen. Sondai-aq salmaǧy tömen bolyp düniege kelgen säbilerdıŋ ömır süru körsetkışı şamamen 13 paiyzǧa jaqsarǧan.
Özbekstandaǧy Şveisariia elşısı Konstantin Obolenskii qaitarylǧan aktivterdıŋ aşyq ärı eseptı türde paidalanyluy Europa elı üşın basty basymdyqtardyŋ bırı ekenın aitty. Onyŋ pıkırınşe, «İşonch» qory būl qarajattyŋ halyqtyŋ ömır sapasyn jaqsartuǧa tiımdı jūmsalyp jatqanyn körsetedı.
Aita keteiık, 2022 jyly Özbekstan men Şveisariia BŪŪ aiasynda köpjaqty senım qoryn qūru turaly kelısımge kelgen. Būl qorǧa Gülnara Kärımova men onyŋ serıktesterınen tärkılengen şeteldık aktivter audarylyp, keiın olardy kedeilıktı azaitu, bılım beru, genderlık teŋdık, densaulyq saqtau jäne tūraqty damu maqsattaryna jūmsau közdelgen.
