Qazaqstan eks-prezıdenti Nursultan Nazarbaevtyń inisi Bolat Nazarbaevtyń tuńǵysh uly Nurbol Nazarbaev týǵan ákesine qarsy sotqa aryzdandy. Bul týraly NewsRoom99 telegram-arnasy jarııalady, dep habarlaıdy “Adyrna” ulttyq portaly.
Málimet boıynsha, meenat Bolat Nazarbaev endi tek bılikpen ǵana emes, óz otbasymen de sottasýda. Onyń birinshi áıeli dúnıege ákelgen tuńǵysh uly Nurbol Nazarbaev ákesi men burynǵy áıeli Gúlnur Dúısebaevany sotqa berdi. Nurbol Nazarbaev azamattyq sottan óziniń ar-namysy men qadir-qasıetin qorǵaýdy jáne Bolat Nazarbaevtyń Gúlnurmen nekesin jaramsyz dep tanýdy suraıdy.
Aıta keteıik, Bolat Nazarbaevtyń úlken uly Nurbol Nazarbaev quqyq qorǵaý organdarynda uzaq jyldar qyzmet atqaryp, polıııa polkovnıgi shenine deıin kóterildi. Onyń kóptegen memlekettik nagradalary bar. Degenmen, Nurbol sońǵy jyldary kásippen aınalysyp, tipti jetistikke jetip júr. 2022 jyly Forbes jýrnaly ony qazaqstandyq eń baı 50 bıznesmenniń qataryna qosqan.
Nurbol osydan bir aı buryn Bolat Nazarbaev burynǵy áıeli Gúlnur Dúısebaevany sotqa bergen. Ol sottan olardyń nekesin zańsyz dep tanýdy talap etti. Al Dúısebaeva qarsy talap qoıdy – ol kúıeýinen birlesip satyp alǵan eki avtokólikten paıda, sondaı-aq moraldyq shyǵyn men balalaryna alıment óndirý úshin 10 mıllıon teńge talap etti. Sot onyń talabyn ishinara qanaǵattandyrdy: Nazarbaev tabysynyń ¼ bóligin balalaryna tóleýge mindetteldi. Al olardyń nekeleri Nazarbaev bir mezgilde úsh áıelge úılense de, zańdy dep tanyldy.
Bolat Nazarbaevty tipti enesi Turaqan Qurmanǵalıeva da sotqa berdi. Ol qonaqúımen birge jer telimin sotqa bermek bolǵan, biraq keıin ol sheshimin ózgertip, talap aryzyn qaıtaryp alǵan.
Eske salaıyq, ótken jyly BAQ eks-prezıdenttiń inisi Bolat Nazarbaevtyń qatty naýqastanyp, ota kezinde klınıkalyq ólimge ushyraǵanyn jazǵan bolatyn.
