Özbekstannyŋ eks-prezidentı İslam Karimovtıŋ qyzy Gülnara Karimovaǧa taǧy bır aiyp taǧyldy, dep habarlaidy "Adyrna" ūlttyq portaly.
Reuters agenttıgınıŋ mälımetınşe, Gülnara Karimova Şveisariiadaǧy eŋ köne bankterdıŋ bırı - Lombard Odier arqyly aqşany jylystatuy mümkın degen küdıkke ılıngen.
Şveisariia prokurorlary bank pen onyŋ būrynǧy qyzmetkerlerınıŋ bırıne qarsy aiyp taqty. Prokurorlardyŋ aituynşa, aqşa Lombard Odier-te aşylǧan toǧyz bank şoty arqyly erejelerdı būza otyryp audarylǧany körsetılgen. Būl qarajat Karimova qatysqan qylmystyq ūiymmen bailanysty ekenı aityldy.
Būrynǧy prezidenttıŋ qyzy Gülnär Kärımova qazır Özbekstanda türmede jazasyn ötep jatyr. Ol bırneşe elderde ūrlyq, bopsalau jäne qylmystyq jelı qūrdy dep aiyptalǧan bolatyn.
2015 jyly 18 jeltoqsanda Gülnara Karimovany Taşkent qalalyq soty – 10 jylǧa, al 2020 jyly 18 nauryzda jaŋa qylmystyq ıs şeŋberınde taǧy 13 jylǧa bas bostandyǧynan aiyrdy. Oǧan "qastandyqqa oqtaldy, qarjy jylystatty, bopsalau, jymqyru jäne tonau qylmystaryn jasady degen aiyptar taǧylǧan. Özbekstandy köp jyl basqaryp, aiaq astynan qaitys bolǧan avtokrat İslam Karimovtyŋ qyzy Gülnara Karimova äkesı tırı kezınde-aq Taşkent oblysyndaǧy äielder koloniiasyna qamalǧan.
2022 jyly Qazaqstandaǧy "Qaŋtar qyrǧynynan" keiın Qazaqstannyŋ būrynǧy prezidentı Nūrsūltan Nazarbaev "qauıpsızdık keŋesınıŋ töraǧasy" ökıletınen aiyrylyp, tuystary joǧary qyzmetterınen bosaǧan. Osydan keiın Qazaqstanda da Nūrsūltan Nazarbaevtyŋ ainalasyndaǧy adamdardyŋ şetelge "zaŋsyz şyǧarǧan aqşasyn qaitaru" qolǧa alynǧan-dy.
Ūqsas jaŋalyqtar
