Eŋ ülken qauıp nemese “Su ministrlıgı” qaşan qūrylady?
Qūrǧaqşylyq - ūlttyq qauıpsızdık taqyrybyna ainalyp bara jatyr. Aral, Kaspii, Balqaş, Syrdariia, Esıl, Jaiyq tıze bersek, bırınen soŋ bırı tabany qūrǧap, ondaǧy bioaluandylyq türı joiylyp, zardaby ölşeusız daǧdarysqa apara jatyr!
Su qorlarymyz azaiyp, elımızde şöldı jäne şöleittı jerlerdıŋ aumaǧy ülkeiıp, qūm astyna kömılıp bara jatqanymyzdy qalalarda äsırese Astana qalasyndaǧy salqyn jeldetkışte otyrǧan mansap ielerı tüsıne qoiary şamaly. Qalai desekte osy Astanada, bügınnıŋ özınde auyz su tapşylyǧy qatty baiqalyp, jyldap emes, kün sanap öte ötkır taqyrypqa ainaluda.
Auyz sudy ysyrapqa ainaldyryp jatqanyn, saryldatyp aǧyzyp, köpqabattyŋ bırınde taŋerteŋ jäne keşke tısın juyp tūratyn milliondaǧan tūrǧynnyŋ qanşasy oilanyp jatyr deisız…?!
Sol üşınde transşekaralyq, jer asty, kölder men teŋızderdı, özender men jalǧyz dariiamyzdyŋ suyn naqty baqylauǧa alatyn, naǧyz “Ädılettı Qazaqstannyŋ” daryndy jas mamandarynan tūratyn «Su ministrlıgın» dereu qūru qajet!
Älemdık jylynuǧa beiımdelu tūstaryn eskerıp, būl daǧdarystan alyp şyǧar, tıkelei komitet därjesınde ministrlık saiasatynan şyǧa almai jürgen salany, vedomstvalyq därejege köterıp, ūlttyq qauıpsızdık deŋgeiınde ǧylymǧa tıkelei baǧyt alǧan jauapty sala qūryluy tiıs!
Būl - älemdık täjıribe. Körşı Özbek elınıŋ özınde būl erterekten saqtalyp qalǧan vedomstva. Sondyqtan da tıkelei transşekaralyq nemese ışkı su mäselesınde öz pozisiialarynda nyq ekenın baiqatady. Ärı būl salany ǧylymmen tyǧyz bailanystyryp, jaŋaşa tyŋ jaŋalyqtar jasauǧa tolyq mümkındık bar.
Su - tırşılık közı. Älem men adamzattyŋ basty qajettılıgı. Būl mūnai men gazdan, altyn men metaldan da qymbat qazyna ekenın älde qaşan tüsıngen älem, su ünemdeu mädenietın damytyp ketkelı qai zaman… Sondyqtan da bolaşaq ūrpaqty tırşılık közınen aiyrmaudyŋ amalyn jasaǧanymyz abzal, qymbatty ükımet!!!
Ūqsas jaŋalyqtar
