Älemdegı auyz suǧa mūqtaj eldıŋ bırı Ugandadaǧy Nanoko eldımekenınde qazaqstandyq käsıpker Eldos Aibekov qūdyq qazǧyzyp berdı, dep habarlaidy "Adyrna" ūlttyq portaly kazunitecom-ǧa sıltep.
Qūdyq qoldanysqa berılgennen keiın Eldos Aibek Qazaqstannan arnaiy aparǧan mektepke qajettı qūraldardy, iaǧni kök tuymyz beinelengen däpter, qalam, sömkelerdı nanokolyq balalarǧa ülestırdı. Sonymen qatar auyl tūrǧyndaryna 2 qazan palau, balalarǧa tättıler berıldı.
«Bız – taza suǧa qol jetkıze almai otyrǧan auyl tūrǧyndarymyz. Qarapaiym tūrmys keşemız. Azyn-aulaq eşkı ūstaimyz. Būǧan deiın sudy 5 km jerdegı özennen tasyp ışıp jürgenbız. Ol – ärine, taza su emes. Mūnyŋ bärın balalarymyz tasyp äkeledı. Motosikl, velosipedı bar adamdar sirek. Köbıne jaiau tasimyz. Bügın Eldos Aibekov degen myrza jerımızge kelıp, auyldyŋ qaq ortasynan ülken qūdyq qazyp berdı. Alǧysymyzda şek joq. Balalardyŋ qalai quanǧanyn kördıŋız be?! Olardyŋ quanyşyn körıp bız de erekşe şattanyp tūrmyz. Eldos myrzaǧa köp raqmet. Alla ıstegen jūmysyna bereke bersın. Bız Qazaqstan degen memleket jaily mülde bılmeitın edık. Osy jaǧdaidan keiın eşqaşan ūmytpastai boldyq. Qazır quanyşty sätke kuä bolǧan balalarymyz Qazaqstandy, kök tularyŋyzdy mäŋgı jadynda saqtap qalary anyq. Qazaqstanǧa sälem!» - dedı Nanoko auylynyŋ tūrǧyny Sooka Şarif.Aita ketsek, 63 jastaǧy Sooka Şariftıŋ 30 balasy bar eken.
Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
