Soltústik Araldyń sý kólemi ulǵaıdy. Teńizge 1,1 mıllıard tekshe metr sý keldi. Bul týraly Sý resýrstary jáne ırrıgaııa mınıstrligi málimdedi, dep habarlaıdy “Adyrna” ulttyq portaly.
Sý resýrstary jáne ırrıgaııa mınıstrliginiń málimdeýinshe, quramyna Qazaqstan, Qyrǵyzstan, Tájikstan, Túrikmenstan jáne Ózbekstan kiretin Memleketaralyq sý sharýashylyǵy komıssııasynyń 86-shy otyrysynda taraptar sýarý maýsymynda Soltústik Aralǵa aǵyn sekýndyna keminde 30 tekshe metr bolady jáne 997 mln tekshe metr sý jiberiledi dep kelisti. Qazir teńizge sekýndyna 50 tekshe metr sý keledi. Bir jyl buryn aǵyn sekýndyna 6 tekshe metr bolatyn.
Osyǵan deıin Soltústik Araldy ońtústikten bólip turǵan Kókaral bógetiniń qurylysy aıaqtalǵan bolatyn. Bóget Soltústik Aralda sý deńgeıin kóterýge múmkindik berdi.
Bóget paıdalanýǵa berilgennen búgingi kúnge deıin Syrdarııa ózeninen Soltústik Aral teńizine 46,6 mlrd tekshe metr sý keldi. Al sońǵy 7 jylda teńizge 13,3 mlrd tekshe metr sý tústi. Sońǵy jyldary Soltústik Araldyń sý kólemi azaıdy, alaıda 2024 jyldyń basynan bastap deńgeıi qaıta kóterile bastady jáne búginde 21,4 mlrd tekshe metrge jetti, – dedi Sý resýrstary jáne ırrıgaııa mınıstrliginiń resmı ókili Móldir Ábdýalıeva.
Aıta ketsek, Syrdarııa ózeni aǵynynyń 75%–y Qyrǵyzstanda, 20%–y Ózbekstanda jáne 5%-y Qazaqstanda qalyptasady.
