İä, qolymyz bar, aiaǧymyz bar, şükırşılık. Eŋ bastysy — miymyz bar. Äldebır mūsylman Qūrban aitqa soiǧan qoiynyŋ qan-jyn sasyǧan ışek-qarnyn keşe keşkılık baqşamyzdyŋ şetıne kömdık. Sodan soŋ sasyp jatqan jerın judyq.
İä, ışek-qarny bızdıŋ üidıŋ būryşyna tastalǧan qoidyŋ Qūrban aitqa orai soiylǧany haq. Öitkenı, tura osyndai jaǧdai 18 jylda besınşı ret qaitalanyp tūr. Būǧan deiın taǧy ekı ret ışek-qaryn, bır ret terı, bır ret terı siraqtarymen bırge tastalǧan. Būl jaǧdai nege Qūdaidyŋ jai künınde emes, Jaŋa jylda emes, 1 mamyrda emes, hristiandardyŋ Pashasynda emes, tura Qūrban aitta körınıs beredı? Demek, Qūrban aitqa qatysty soiylǧany aspandaǧy aidan da anyq.
Qoidy mūsylman soiǧany da dausyz. Ülken auyldyŋ bız tūratyn bölıgındegı ūzynynan üş, köldeneŋınen tört köşelık oramyn qarasaq, bır nemıs, ekı orys tūrady. Taǧy bır ülken üidı qytailyqtar jaldaidy. Basqasy — qazaq, ūiǧyr, türık — dın mūsylman qauymynan. Qytailar qoi soidy degen küdıktı bırden alyp tastaimyz. Nemıs körşı özınıŋ aulasynyŋ syrtyna bız aulanyŋ ışıne qimaityn qūndy material tösep tastaǧan. Pyşyldatyp sony juady da jatady. Baryp suretke tüsırıp keldık, dälel üşın. Bır köşe ärıdegı orys äiel būralqy itterdı asyraidy. Bız süiek-saiaqty saqtap, soǧan beremız. Anyǧynda özı alyp ketedı. Bazardan arzanǧa tauyqtyŋ ony-mūnysyn satyp alatynyn aitady. Onyŋ qoi soiyp, ışek-qarnyn laqtyryp tastauy — üş ūiyqtasa tüsıne kırmes jaǧdai. Endı taǧy bır orys körşı qaldy. Tört kışkene balasy bar, özı käsıpker. Bar azyq-tülıktı “jetkızu qyzmetı” arqyly äkelgızedı. Daiyn tamaqty da tapsyryspen alǧyzady. Künıne ekı ret esık aldyna sol qyzmettıŋ kölıgı kelıp tūrady. Ol da qoi soiyp, ışek-qarnyn laqtyryp tastamasy Qūdaiǧa aian şyǧar. Sonymen qoidyŋ Qūrban aitqa soiylǧany, ışek-qarnyn sol mūsylmannyŋ tastaǧany bız üşın dausyz.
Al nege dauryqtyrmai köme salmadyq? Bırınşı joly, ekınşı, üşınşı, tıptı törtınşı joly solai ıstegenbız. Endı şekten şyǧyp tūr ǧoi. Älgı “balam, ıstıkten şyǧyp kettıŋ” deitın tämsıldegı siiaqty.
Qazaqstan tärtıp saqtalǧanda ǧana damidy. Örkendeidı. Tärtıp bolmasa memlekette ıstelıp jatqan igı tırlıktıŋ bärı bekerge ketedı. Al köşege qoidyŋ boq sasyǧan ışek-qarnyn tastap ketu — tärtıptı öreskel būzu. Mūny äkımdık pen polisiia qadaǧalauy, būǧan jūqpaly aurular taralmauyna jauapty qyzmet qoŋyrau qaǧuy kerek edı. Üşeulep tärtıp būzǧan adamdy tauyp jönge şaqyruy kerek edı. Sol sebeptı körsın, qataŋ ba, jeŋıl me şara qoldansyn dep bırden köme salmadyq.
Bız — aldymen azamatpyz. Qazaqstan degen memlekettıŋ azamatymyz — sol maŋyzdy, al qai dındı ūstanatynymyz, bälkım ūstanbaitynymyz sonşalyqty maŋyzdy emes. Būl oqiǧadan taǧy bır tüiın tüidık. Qazaq üşın eŋ qauıptısı — maŋaidaǧy, alystaǧy körşıler emes, qazaqtyŋ öz ışındegı äsıre dınşıldık. Bızden būryn mūny Mūhtar Maǧauin aityp ketken-dı. Äulie eken jaryqtyq!
