4 maýsym - Qazaqstan Respýblıkasynyń Memlekettik rámizder kúni.
Táýelsiz Qazaqstannyń nyshandary - Tý, Eltańba jáne Ánuran. Qazaq eliniń bul nyshandary – memleketimizdiń derbestigi men táýelsizdigin búkil álemge tanytýshy. Ári elimizdiń ótkeni men búgini jáne bolashaǵy arasyndaǵy sabaqtastyqtyń jarqyn kórinisi. Sondyqtan “Adyrna” tilshisi Almaty turǵyndarynan rámizderdiń avtoryn surap, saýal qoıdy.
“Týdyń avtoryn bilesiz be?” degen saýalǵa qala turǵyndarynyń biri “Sáken Maıǵazıev” dep shatasyp ketti. Tosynnan qoıǵan suraqtyń jaýabyn jastardyń birazy bilmeıtin bolyp shyqty. Ókinishke qaraı, eltańbanyń da avtorynyń kim ekeninen beıhabar.
Al ánurannyń avtorlaryn suraǵanda Shámshi Qaldaıaqov pen Nursultan Nazarbaev ekenin aıtyp, Jumeken Nájimedenovti eshkim esine túsire almady. Al turǵyndardyń barlyǵy ánurandy jatqa biledi.
Degenmen, eldiń ulttyq bolmysyn, derbestigi men táýelsizdigin búkil álemge tanytatyn belgilerdiń avtorlaryn bilip júrgenimiz abzal!
