4 mausym - Qazaqstan Respublikasynyŋ Memlekettık rämızder künı.
Täuelsız Qazaqstannyŋ nyşandary - Tu, Eltaŋba jäne Änūran. Qazaq elınıŋ būl nyşandary – memleketımızdıŋ derbestıgı men täuelsızdıgın bükıl älemge tanytuşy. Ärı elımızdıŋ ötkenı men bügını jäne bolaşaǧy arasyndaǧy sabaqtastyqtyŋ jarqyn körınısı. Sondyqtan “Adyrna” tılşısı Almaty tūrǧyndarynan rämızderdıŋ avtoryn sūrap, saual qoidy.
“Tudyŋ avtoryn bılesız be?” degen saualǧa qala tūrǧyndarynyŋ bırı “Säken Maiǧaziev” dep şatasyp kettı. Tosynnan qoiǧan sūraqtyŋ jauabyn jastardyŋ bırazy bılmeitın bolyp şyqty. Ökınışke qarai, eltaŋbanyŋ da avtorynyŋ kım ekenınen beihabar.
Al änūrannyŋ avtorlaryn sūraǧanda Şämşı Qaldaiaqov pen Nūrsūltan Nazarbaev ekenın aityp, Jūmeken Näjımedenovtı eşkım esıne tüsıre almady. Al tūrǧyndardyŋ barlyǧy änūrandy jatqa bıledı.
Degenmen, eldıŋ ūlttyq bolmysyn, derbestıgı men täuelsızdıgın bükıl älemge tanytatyn belgılerdıŋ avtorlaryn bılıp jürgenımız abzal!
