Qazaqstan Respublikasynyŋ Prezidentı janyndaǧy Qazaqstannyŋ strategiialyq zertteuler instituty aǧymdaǧy jyldyŋ 11 mamyry men 22 mausymy aralyǧynda äleumettanulyq saualnama jürgızdı. Irıkteme kölemı 8000 respondenttı qūraidy.
Saualnamaǧa 17 oblys pen respublikalyq maŋyzy bar qalalar: Astana, Almaty jäne Şymkenttıŋ 18 jastan asqan respondentterı qatysty.
Qoǧamdyq pıkırdı zertteu nätijelerıne säikes, Qazaqstan Respublikasynyŋ Prezidentıne respondentterdıŋ 77,1 paiyzy senım bıldıredı. Būl rette bırqatar zaŋdylyqtardy eskere otyryp, Memleket basşysyna senım artqan azamattardyŋ ortaşa portretın körsetuge bolady.
Bırınşıden, jastar Prezidentke köbırek senım artady (81,9%).
Ekınşıden, respondentterdıŋ bılım deŋgeiı neǧūrlym joǧary bolsa, soǧūrlym olardyŋ Memleket basşysyna degen senımı artady.
Üşınşıden, Memleket basşysyna senım deŋgeiı auyl tūrǧyndary (79,6%) jäne qala tūrǧyndary (75,4%), äielder (79%) jäne erler (74,9%) arasynda şamamen bırdei ekenın atap ötken jön.
Törtınşıden, bılım, önerkäsıp, qyzmet körsetu, kölık jäne auyl şaruaşylyǧy salalarynda qyzmet etetınder Prezidentke köbırek senım artady.
Älemde saiasi instituttarǧa degen senımnıŋ tömendeuı siiaqty jalpy ürdıs baiqalady. Taiau Şyǧys pen Şyǧys Europadaǧy geosaiasi özgerıster, pandemiia, infliasiia saldarynan ömır süru qūnynyŋ ösuı jäne köptegen elderdı şarpyǧan ekonomikalyq daǧdarys saiasi instituttarǧa degen senımnıŋ tömendeuınıŋ sebepterın tüsındıredı.
Būl tūrǧyda Qazaqstan köptegen eldermen salystyrǧanda jaqsy jaǧynan erekşelenedı. Memlekettıŋ kezeŋ-kezeŋımen saiasi jaŋǧyruy, köppartiialyq jüienı damytuǧa baǧyttalǧan zaŋdar, jergılıktı jäne audan äkımderın sailau, «Halyq ünıne qūlaq asatyn memleket» formulasyn jüzege asyru – osynyŋ barlyǧy Prezidenttıŋ Ädılettı Qazaqstan tūjyrymdamasyn ıs jüzınde jüzege asyrudyŋ körınısı.
Äleumettanulyq zertteulerdıŋ nätijelerı körsetkendei, Qasym-Jomart Toqaevtyŋ aşyq jäne ädıl qoǧam qūruǧa, azamattardyŋ äl-auqatyn arttyruǧa baǧyttalǧan reformalary, saiyp kelgende, Prezidenttıŋ qoǧamdaǧy joǧary reitingıne negız boldy.
Ūqsas jaŋalyqtar
