Qazaqstan Prezıdenti Qasym-Jomart Toqaev reseılik ǵalym Alash partııasy jetekshileriniń biri - Vıktor Kozodoıǵa Álıhan Bókeıhan týraly kitaby úshin “Dostyq” ordenin berdi.
27 qazanda Máskeýde Qazaqstan Elshiliginde «Álıhan Bókeıhanov: adam – dáýir» kitabynyń tusaýkeseri ótti. Avtor óz jumysynda buryn ǵylymı aınalymda paıdalanylmaǵan derekkózderdi, materıaldar men faktilerdi: muraǵat qujattaryn, estelikterdi, sol jyldardaǵy gazet-jýrnaldaǵy jarııalanymdardy paıdalanǵan.
Buǵan deıin Qazaqstannyń bes qalasynda (Astana, Almaty, Pavlodar, Semeı, Qaraǵandy) kitaptyń tusaýkeseri sátti ótkeni atap ótildi. Sodan keıin Máskeýde alǵash ret Reseıdiń belgili ǵalymdary men sarapshylarynyń qatysýymen kitaptyń tusaýkeseri ótti.
“Búgin bizge «Dostyq» ordeninen bólek, Qazaqstan Prezıdenti Qasym-Jomart Toqaev myrzanyń «kitabymdy zor yqylaspen oqyǵany» týraly jeke alǵys haty da keldi. Qazir meniń kitaptarymdy tek tarıh janashyrlary men ǵalymdary ǵana emes, egemen, táýelsiz memleketterdiń basshylary da oqıdy dep aıtýǵa tolyq dálelim bar”,- deıdi professor Kozodoı.
Bul onyń tuńǵysh jáne jalǵyz memlekettik nagradasy ekenin, ol úshin ǵalym Toqaevqa shyn júrekten alǵysyn bildiretinin atap ótti.
“Bul meniń Qazaqstan men Reseı arasyndaǵy ekijaqty qarym-qatynastardy nyǵaıtýǵa jáne damytýǵa qosqan qarapaıym úlesim bolsyn”, – dep qosty ǵalym.
Aıtpaqshy, sarapshylar Álıhan Bókeıhanov týraly kitapty onyń tulǵasy týraly alǵashqy tereń jáne tutas ǵylymı zertteý dep atady. Degenmen tarıhı ádilettilikti qalpyna keltirý aıasynda Alash qozǵalysy qyzmetiniń kóptegen qyrlary áli ashylǵan joq degen pikir bar.
