Qazaqstan Prezidentı Qasym-Jomart Toqaev reseilık ǧalym Alaş partiiasy jetekşılerınıŋ bırı - Viktor Kozodoiǧa Älihan Bökeihan turaly kıtaby üşın “Dostyq” ordenın berdı.
27 qazanda Mäskeude Qazaqstan Elşılıgınde «Älihan Bökeihanov: adam – däuır» kıtabynyŋ tūsaukeserı öttı. Avtor öz jūmysynda būryn ǧylymi ainalymda paidalanylmaǧan derekközderdı, materialdar men faktılerdı: mūraǧat qūjattaryn, estelıkterdı, sol jyldardaǧy gazet-jurnaldaǧy jariialanymdardy paidalanǧan.
Būǧan deiın Qazaqstannyŋ bes qalasynda (Astana, Almaty, Pavlodar, Semei, Qaraǧandy) kıtaptyŋ tūsaukeserı sättı ötkenı atap ötıldı. Sodan keiın Mäskeude alǧaş ret Reseidıŋ belgılı ǧalymdary men sarapşylarynyŋ qatysuymen kıtaptyŋ tūsaukeserı öttı.
“Bügın bızge «Dostyq» ordenınen bölek, Qazaqstan Prezidentı Qasym-Jomart Toqaev myrzanyŋ «kıtabymdy zor yqylaspen oqyǧany» turaly jeke alǧys haty da keldı. Qazır menıŋ kıtaptarymdy tek tarih janaşyrlary men ǧalymdary ǧana emes, egemen, täuelsız memleketterdıŋ basşylary da oqidy dep aituǧa tolyq dälelım bar”,- deidı professor Kozodoi.
Būl onyŋ tūŋǧyş jäne jalǧyz memlekettık nagradasy ekenın, ol üşın ǧalym Toqaevqa şyn jürekten alǧysyn bıldıretının atap öttı.
“Būl menıŋ Qazaqstan men Resei arasyndaǧy ekıjaqty qarym-qatynastardy nyǧaituǧa jäne damytuǧa qosqan qarapaiym ülesım bolsyn”, – dep qosty ǧalym.
Aitpaqşy, sarapşylar Älihan Bökeihanov turaly kıtapty onyŋ tūlǧasy turaly alǧaşqy tereŋ jäne tūtas ǧylymi zertteu dep atady. Degenmen tarihi ädılettılıktı qalpyna keltıru aiasynda Alaş qozǧalysy qyzmetınıŋ köptegen qyrlary älı aşylǧan joq degen pıkır bar.
