Qazaqstandyq ánshi Dımash Qudaıbergen amerıkalyq The World's Best baıqaýyna shyǵyp ketti. Jartylaı fınalda Adagio ánin shyrqaǵan ol mundaı sheshimin "fınalda ózinen jasy kishi eki ánshige – qazaqstandyq Danelııa Týleshova men úndistandyq Lıdıana Nadhasvaramaǵa jol berý" dep túsindirdi.
Dımashqa buǵan deıingi aınalymdarda maksımal joǵary ball berip kelgen Rý Pol "Biz munda álemniń úzdigin kórýge keldik. Qaıda bara jatqanyńdy bildiń" dep, ánshiniń bul sheshimine narazylyq bildirdi.
Ánshi baıqaýdan ketkenimen The World's Best baıqaýynyń resmı paraqshasynda Dımashtyń kórermenderden eń kóp daýys jınaǵany habarlandy.
Al What About Us ánin shyrqaǵan Danelııa 12 jasar úndistandyq pıanıst Lıdıana Nadhasvaramadan jeńildi. Munan soń grand-fınalǵa ótken Lıdıana ózge eki qarsylasynan ozyp, baıqaýdyń jeńimpazy atandy.
Baıqaý kezinde ádilqazylar Danelııany - "Vokal ǵajaıyby", Dımashty "Alty oktava adamy" dep ataǵan.
Danelııa Týleshova - 2018 jyly Ýkraına telearnalarynyń birindegi "Golos Detı" shoýynyń jeńimpazy jáne Junior Eurovision konkýrsynyń qatysýshysy.
Dımash Qudaıbergen 2017 jyly Qytaıdyń Huhan TV arnasyndaǵy I am a Singer án baıqaýyna qatysyp, 2-oryn alǵan. Osy konkýrstan keıin ánshi álemge tanylyp, London, Máskeý qalalarynda úlken sahnada án salǵan.
"Azattyq" radıosy
