Almaty qalasynda Qazaqstandaǧy alǧaşqy krematorii resmi türde ıske qosyldy, dep habarlaidy "Adyrna" ūlttyq portaly.
Nysan 30 säuırden bastap jūmys ısteidı. Ol Alatau audanynda, patologiialyq-anatomiialyq biuro janynda ornalasqan.
Mamandardyŋ aituynşa, krematoriidıŋ ornalasu orny sanitarlyq jäne ekologiialyq talaptarǧa sai taŋdalǧan. Ǧimarat maŋynda tūrǧyn üiler joq, al qoldanylatyn tehnologiialar qorşaǧan ortaǧa ziian keltırmeidı. Mūnda cheh öndırısınıŋ ekı kameraly zamanaui jabdyǧy ornatylǧan: bırınşı kamerada mäiıt örtense, ekınşısınde ziiandy zattar tolyq joiylady.
Krematorii bırneşe bölımnen tūrady. Naqtyraq, mäiıt qabyldau zaly, saqtau bölmesı, seksiialyq zal jäne kremasiia peşterı ornalasqan aimaq. Sondai-aq jaqyndaryna arnalǧan qoştasu jäne prosestı baqylau bölmelerı qarastyrylǧan.
Mäiıttı örteu prosesı şamamen ekı saǧatqa sozylady. Peşter 800–1100°C temperaturada jūmys ısteidı. Tolyq kremasiiadan keiın orta eseppen 2,5 kelı kül qalady. Qoldanystaǧy erejelerge säikes, kremasiia tek közı tırısınde jazbaşa kelısım bergen adamdarǧa ǧana jürgızıledı. Eger ölım qylmystyq sipatta bolsa, mūndai räsımge rūqsat etılmeidı.
Qyzmettıŋ bazalyq qūny – 240 myŋ teŋge. Alaida mäiıttı tasymaldau, saqtau jäne daiyndau qyzmetterı būl baǧaǧa kırmeidı.
Mamandardyŋ aituynşa, Qazaqstanda kremasiiadan keiın küldı kez kelgen jerge şaşuǧa zaŋ boiynşa tyiym salynǧan. Ädette kül arnaiy sauytqa salynyp, ziratqa jerlenedı. Al kolumbariiler äzırge joq, bıraq Almaty äkımdıgı mūndai nysandardy salu mümkındıgın qarastyryp jatyr.
Eske sala keteiık, krematorii qūrylysy bırneşe ret keiınge şegerılgen. Joba 2021 jyldan berı türlı tehnikalyq jäne qarjylyq sebepterge bailanysty sozylyp kelgen edı.
