Adam jasy kelgen saıyn tirshilikte kórgen-bilgeni men oqyǵan-toqyǵanyn, ilgeni men bilgenin, jyldap jıǵan abyroı-bedelin kezi kelgen ýaqytta jaqsy bir qasıetke, jaqsy qartaıýǵa baǵyttaǵany jón. Iaǵnı, ol áýlettiń, eldiń aqsaqaly bolýǵa daıyndalýy kerek.
Jyl ótedi, jas ulǵaıady. Sonshama ýaqyttyń ishinde júrip ótken izińdi jańa býyn, tolqyn-tolqyn bolyp jetken jas urpaq basady. Kúni keshe óziń qolynan jetelegen jas bala jigit bolyp, elge, halyqqa paıdamdy tıgizsem dep talap etedi. Sonda ol kimnen úlgi alyp, kimnen aqyl suraıdy? Árıne, aǵadan, aqsaqaldan ónege alady. Sondaıda, jastyń qurmetine, jastyń talabyna laıyq bolǵan, daıyn bolǵan jaqsy.
Jasy úlken adam qoǵamnyń ózgergenin moıyndamaı, kúni keshe ózi ómir súrgen zamannyń deńgeıimen, ózi qyzmet etken qoǵamnyń, sol kezdegi saıasattyń talabynan shyǵa almaı, keshegi jetken jamandy-jaqsyly bedeli men kórgen-bilgenin kóldeneń tartyp, «Meni bári syılaıtyn. Sondyqtan, sender de jasymnyń úlkendigin, saqal-shashymnyń aǵyn qurmetteýleriń kerek» degen sııaqty orynsyz mindetsýden aýlaq, abaı bolǵany durys. Úı-ishi men bala-shaǵa, nemerelerine azar adam aýyl-aımaq, el ishine de qadirsiz.
Saqal-shashy aqyldyń tolǵandyǵynan emes, mezgildiń ótkeninen, ýaqyttyń tabynan aǵarǵan, qarııalyqqa jete almaı qartaıǵan kisini «qoly kótere almaǵan shoqpardy beline baılapty» dese de bolar.
