Qazaq dalasyn jaıaý kezip, egde tartqan shaǵynda erekshe jol-caparǵa shyqqan Sársenbaı Ospanulyna páter berildi. Bul týraly "Adyrna" ulttyq portaly jazdy.
Ulytaý oblysynyń ákimi Ǵalymjan Qusmanǵalıdiń ózi qazaq dalasyn aralaǵan aqsaqaldyń mereıin ósirip, meımanasyn tasytqan is-shara jaıyn baıandady.
"Búgin jıhankez aqsaqaldy oblys ortalyǵynda marapattadyq. Osy jyldyń 31 naýryzynda joryǵyn bastaǵan 72 jastaǵy Sársenbaı aqsaqal 6 aıda 8 myńdaı shaqyrym jerdi jaıaý júrip ótti. Astanadan qasıetti Mekkege deıin 6139 shaqyrym. Demek, eger Sársenbaı ata musylmandyq paryzyn oryndaımyn dese, onda artyǵymen atqarar edi. Óziniń osy joryǵyn sońǵy 6 jyl boıy oılap júripti, josparlapty. Bul da jas býynǵa úlken úlgi. Aldyńa qoıǵan maqsattan eshqashan bas tartpa. Qansha qıyndyq bolsa da, aýyr sátter bolsa da, alǵa qaraı júrýge talpyný kerek. Sebebi, kez-kelgen adam sheksiz múmkindikterge ıe. Úlken kisige óziniń isine saı syı-qurmet kórsetildi. Oblys ákimi Berik Ábdiǵalıuly bastamasymen, Kazakhmys Corporation-nyń qoldaýymen Jezqazǵan qalasynyń ortalyǵynda páter kilti tapsyryldy. Shapany jabylyp, estelik syılyqtar berildi. Atamyz júz jasasyn!", - dep ystyq yqylasyn bildirdi avtor.
Eskerińizge sala keteıik, "Adyrna" ulttyq portaly Sársenbaı aqsaqaldyń jankeshti jolsapary jaıly buryn da jazǵan edi. Tabıǵatynan shıraq, tyń, aqıkóz aqsaqal endi Aldyńǵy Azııa men Eýropany, AQSh pen Mońǵolııaǵa taban tirep, atalǵan elderdi jaıaý aralaýdy josparlap otyr.
"Adyrna" ulttyq portaly
