AQŞ prezidentınıŋ baspasöz hatşysy Karolin Levitt Djo Baiden komandasyn qarjyny ysyrap ettı dep aiyptady, dep habarlaidy "Adyrna" ūlttyq portaly Tengrinews.kz-ke sıltep.
Onyŋ aituynşa, Aq üidıŋ biudjet qarajaty ärtürlı maqsattarǧa jūmsalǧan, sonyŋ ışınde Qazaqstandaǧy "dezinformasiiamen küreske" 4,5 million dollar bölıngen. Alaida, Levitt būl qarajattyŋ naqty qalai jūmsalǧany turaly egjei-tegjeilı aqparat bermedı. Sondai-aq, ol Gvatemaladaǧy jynys auystyru baǧdarlamasyna 2 million dollar bölıngenın atap öttı. "İrakta jaŋa şou jasauǧa 20 million dollar, al Qazaqstandaǧy "jalǧan aqparatpen küresuge" 4,5 million dollar bölındı. Baiden Mysyrdaǧy "turizmdı qarjylandyruǧa" taǧy 6 million dollar böldı", - dedı Levitt. Būǧan deiın Aq üi USAID-tı "Al-Kaida" sodyrlary üşın azyq-tülık paketterın qarjylandyrdy dep aiyptaǧan bolatyn. Osyǧan bailanysty AQŞ prezidentı Donald Tramp USAID basşylyǧynda bırqatar otstavkalardyŋ bolatynyn mälımdedı. "Būl agenttık radikaldy essızder tobynyŋ basqaruynda. Bız olardy qyzmetınen alastatamyz, sodan keiın şeşım qabyldaimyz", - dedı ol. Aita keteiık, USAID – AQŞ-tyŋ halyqaralyq damu agenttıgı, ol şeteldegı azamattyq kömek pen damu salasyndaǧy yntymaqtastyqty basqaruǧa jauapty.Ūqsas jaŋalyqtar
