Qazaqstan prezidentı 9 mamyrda Reseide ötetın şeruge qatysady, dep habarlaidy "Adyrna" ūlttyq portaly. Būl turaly Qazaqstan prezidentınıŋ baspasöz hatşysy Ruslan Jeldıbai mälımdedı.
Prezident Qasym-Jomart Toqaev 9 mamyr künı Resei basşysy Vladimir Putinnıŋ şaqyruymen Ūly Otan soǧysyndaǧy Jeŋıstıŋ 78 jyldyǧyna arnalǧan paradqa qatysady.
"Prezident Tver oblysyndaǧy Rjev memorialyna baryp, 100-şı jäne 101-şı atqyştar diviziialarynyŋ qūramynda şaiqasyp, qaza tapqan qazaq jauyngerlerınıŋ ruhyna taǧzym etedı. Rjev şaiqasy Ūly Otan soǧysy kezındegı eŋ ırı ūrystardyŋ bırı sanalady,"- dep jazdy baspasöz hatşysy.
Sonymen qatar Memleket basşysy Trubino derevniasyndaǧy bauyrlastar ziratyna barady. Onda Prezidenttıŋ äkesınıŋ aǧasy Qasym Boltaev jerlengen. Rjev tübındegı şaiqasqa Qazaqstannan 22 myŋǧa juyq sarbaz ben ofiser qatysty.
Būl şaraǧa Resei tarapy TMD-ǧa müşe elderdıŋ basşylaryn şaqyrǧan. Qazırge deiın būl şeruge Ortalyq Aziia elderınen Qazaqstannan basqa Qyrǧyzstan men Täjıkstannyŋ prezidentterı de qatysatyny belgılı boldy.
"Adyrna" ūlttyq portaly
Ūqsas jaŋalyqtar
