Ortalyq Azııadan delegaııa. Qazaqstan basshysy da Reseıdegi Jeńis paradyna qatysady

1870
Adyrna.kz Telegram

Qazaqstan prezıdenti 9 mamyrda Reseıde ótetin sherýge qatysady, dep habarlaıdy "Adyrna" ulttyq portaly. Bul týraly Qazaqstan prezıdentiniń baspasóz hatshysy Rýslan Jeldibaı málimdedi. 

Prezıdent Qasym-Jomart Toqaev 9 mamyr kúni Reseı basshysy Vladımır Pýtınniń shaqyrýymen Uly Otan soǵysyndaǵy Jeńistiń 78 jyldyǵyna arnalǵan paradqa qatysady.

"Prezıdent Tver oblysyndaǵy Rjev memorıalyna baryp, 100-shi jáne 101-shi atqyshtar dıvızııalarynyń quramynda shaıqasyp, qaza tapqan qazaq jaýyngerleriniń rýhyna taǵzym etedi. Rjev shaıqasy Uly Otan soǵysy kezindegi eń iri urystardyń biri sanalady,"- dep jazdy baspasóz hatshysy.
Sonymen qatar Memleket basshysy Trýbıno derevnıasyndaǵy baýyrlastar zıratyna barady. Onda Prezıdenttiń ákesiniń aǵasy Qasym Boltaev jerlengen. Rjev túbindegi shaıqasqa Qazaqstannan 22 myńǵa jýyq sarbaz ben ofıer qatysty.
Bul sharaǵa Reseı tarapy TMD-ǵa múshe elderdiń basshylaryn shaqyrǵan. Qazirge deıin bul sherýge Ortalyq Azııa elderinen Qazaqstannan basqa Qyrǵyzstan men Tájikstannyń prezıdentteri de qatysatyny belgili boldy.
"Adyrna" ulttyq portaly
Pikirler