AQSh-tyń burynǵy prezıdenti Barak Obama respýblıkashyl Donald Trampty prezıdenttik saılaýdaǵy jeńisimen quttyqtady, dep habarlaıdy "Adyrna" ulttyq portaly.
Bul týraly AFP agenttigi 7 qarashaǵa qaraǵan túni habarlady.
Obama saılaý naýqany kezinde Demokratııalyq partııa atynan kandıdat bolǵan Kamala Harrıske qoldaý kórsetken bolatyn. Eks-prezıdent óz sózinde:
«Árıne, bul biz kútken nátıje emes. Biraq demokratııa jaǵdaıynda ómir súrý árqashan bizdiń kózqarasymyz jeńe bermeıtinin moıyndaýdy jáne bılikti beıbit jolmen tapsyrýǵa daıyn bolýdy talap etedi», – dedi eks-prezıdent Barak Obama.
Obama AQSh-tyń qazirgi vıe-prezıdenti Kamala Harrıs pen onyń vıe-prezıdent qyzmetine úmitker seriktesi Tım Ýolty «memleketke erekshe qyzmet etken keremet tulǵalar» dep ataǵan.
Aıta keteıik, Harrıs prezıdent bolyp saılanǵan Trampty quttyqtaǵan bolatyn.
