Keshe memleket basshysy Qasym-Jomart Toqaev otandyq bıznes-qoǵamdastyq ókilderimen kezdesý ótkizdi. Bul týraly Aqorda málimdedi, dep habarlaıdy “Adyrna” ulttyq portaly.
Aqparatqa súıensek, jıyn barysynda ulttyq ekonomıkany sapaly ári ornyqty damytýdyń ózekti máseleleri talqylanǵan.
Budan bólek, Aqorda taratqan sýretterdiń biri kópshiliktiń nazaryn aýdardy. Bir top azýly bıznesmendermen birge prezıdenttiń janynda turǵan áıel kim degen zańdy suraq týyndady. “Ulysmedia” ol senator Zákirjan Kýzıevtiń qyzy ekenin anyqtady.
Al Rupep.org saıtyndaǵy málimetke sáıkes sýrettegi qyz Zamıra Kýzıeva. 1996 jyly týǵan. Sońǵy jumys orny - «Edınyı Konsolıdırýıýıı entr» JShS basqarýshy dırektory.
Atalǵan kompanııa Qazaqstan aýmaǵynda jáne Qazaqstan sheginen tys jerlerde "Qazaqstan Temir Joly "UK" AQ -nyń vagondary men konteınerleri arqyly júk tasymaldaýmen aınalysady.
Aıta keteıik, Zákirjan Kýzıev Prezıdent Jarlyǵymen taǵaıyndalǵan Parlament Senatynyń depýtaty. Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi.1969 jyly 30 qańtarda Almaty qalasynda dúnıege kelgen.
