Ūldary memleketke keltırgen şyǧyndy qaitarmady dep aiyptalǧan deputat Dairabaevqa qarsy petisiia jariialandy

Prezidenttık sailauǧa tüskenınen berı basy daudan arylmaǧan deputat Dairabaevtyŋ ökıldıgın bosatuyn talap etkender petisiia jariialandy, dep habarlaidy Adyrna ūlttyq portaly  Azattyq Ruhy-na sılteme jasap. Petisiia avtory deputattyŋ ekı ūly jemqorlyqpen ūstalǧanyn, memleketke keltırılgen 550 million teŋgelık şyǧyndy qalpyna keltırılmegenın jazǧan. Oǧan qosa Dairabaevtyŋ öz ūldaryn jaqtap, qorǧap söilegenın sökken. Sonymen qatar, petisiiada Dairabaevtyŋ ūldaryna qatysty janjalda deputattyŋ da aty-jönı aitylǧany jazylǧan.

«Kompaniia öz eldı mekenınde alaiaqtyq jolmen 10 myŋ gektar jerdı iemdengen. Auyl tūrǧyndaryna dividendter uäde etıldı. Alaida olar eşqandai paida tappady. Būl mäselede mäjılısmen Jiguli Dairabaevtyŋ esımı de ataldy. Alaida deputat būl alaiaqtyqqa qatysy bar ekenın köpşılık aldynda joqqa şyǧardy», — delıngen petisiiada.

Bügınde petisiiamen 1531 adam kelısken. Petisiiany qoldaǧan azamattar deputat Jiguli Dairabaevtyŋ öz ökılettıgınen bas tartuy kerek dep sanaidy. Būǧan deiın Jiguli Dairabaev qyr soŋynan qalmai, syn jaudyryp jatqandardyŋ kım ekenın bılemın degen edı. Eske sala keteiık, "Auyl" partiiasy būǧan deiın de Dairabaevtyŋ mandatyn tapsyrmaitynyn aitqan.

«Dairabaev deputattyq mandatyn tapsyrmaidy. Men fraksiianyŋ mälımdemesın aityp otyrmyn. Bız oǧan eşqandai mın taǧa almaimyz. Bırınşıden, onyŋ jeke basyna qatysty atalǧan ıste eşteŋe aitylmaǧan. Ekınşıden, onyŋ balalary eresek azamattar. Olar öz ısıne özderı jauap beruı kerek»,— dedı Baqqojaev.

Jiguli Dairabaevtyŋ özı balalaryna jaqtasyp, soŋyna deiın küresetının mälım etken bolatyn-tūǧyn.

«Balalarymdy kınälı dep eseptemeimın, olar ädıldık üşın küresedı. Apelliasiialyq sotqa jügınıp, abyroiyn qorǧauǧa müddelı. Endeşe, men Mäjılısten ne üşın ketuım kerek? Auyl tūrǧyndary, şarualar, özımdı sailaǧan «Auyl» partiiasy maǧan ülken ümıt artyp otyr. Köptegen ötkır mäselelerdı qolǧa alyp, jūmys ısteuım kerek», - dedı Dairabaev.

Būdan būryn habarlanǧandai, Taraz qalasynyŋ soty alaiaqtyq jasady jäne ırı mölşerde aqşa jymqyrdy dep aiyptap, ükım şyǧarǧan ekı küdıktınıŋ Jiguli Dairabaevtyŋ ūldary ekenı belgılı boldy. Azattyq Ruhy-nyŋ habarlauynşa, deputattyŋ qos ūly memleketke keltırgen şyǧyndy älı ötemegen. Dairabaev ūldarynyŋ eş kınäsı joǧyn aityp, Mäjılısten ketpeitındıgın mälımdedı. Degenmen oǧan qazaqstandyqtar qarsylyq tanytyp, könbei otyr.

"Adyrna" ūlttyq portaly