Qazaqstan halqy Prezıdent ákimshiligine «Shańyraq oqıǵasyna» qatysýshy, aqyn Aron Atabekke raqymshylyq jasaý týraly ótinish joldady, dep habarlaıdy "Adyrna" ulttyq portaly.
- Qazaqstan Respýblıkasynyń Prezıdenti Qasym-Jomart Toqaevqa ashyq úndeý joldandy! 2,5 myńnan astam qol jınap, 377 repost jasalyndy. Kóp raqmet! - dep jazdy quqyq qorǵaýshy Baqytjan Tóreǵojına Facebook -te.
2006 jyly «Shańyraq isi» boıynsha Aron Atabek 18 jylǵa bas bostandyǵynan aıyryldy. Sol kezde Almaty mańyndaǵy Shańyraq yqshamaýdanynyń turǵyndary men quqyq qorǵaý organdarynyń qyzmetkerleri arasynda bılik sot, zańsyz salynǵan dep tanyǵan úılerdi buzýǵa tyrysqanda qaqtyǵys boldy. Qaqtyǵys kezinde 24 jastaǵy polıeı Áset Beısenov qaza tapty, ol ústine benzın quıylyp, otqa orandy.
Bul jaǵdaıda Atabekten basqa Qurmanǵazy Ótegenov, Erǵanat Taranshıev pen Rústem Tuıaqov bas bostandyǵynan aıyryldy.
Halyqaralyq quqyq qorǵaý uıymdary Atabekti «ar-ojdan tutqyny», «saıası tutqyn» dep tanydy. Aqyn jazasynyń kóp bóligin - 14 jyldan astam ótegen. Quqyq qorǵaýshylar men áleýmettik belsendiler Atabektiń densaýlyǵynyń nasharlaýyna baılanysty bosatylýyn qalap otyr.
"Adyrna" ulttyq portaly
