Astanada Gúlmıra Satybaldyǵa qatysty qylmystyq is boıynsha sot úkimi shyqty. Is №2 Baıqońyr aýdandyq sotynda qaraldy, dep habarlaıdy “Adyrna” ulttyq porataly.
«Gúlmıra Satybaldy Qylmystyq kodekstiń 389-baby 4-bóligi boıynsha quqyq buzýshylyq jasaǵany úshin kináli dep tanylsyn jáne 6 jyl bas bostandyǵynan aıyrý túrindegi jaza taǵaıyndalsyn. Sonymen qatar, Gúlmıra Satybaldy Qylmystyq kodekstiń 28-baby 3-bóligi 1,8-tarmaǵy jáne osy baptyń 125-bóliginiń 2-tarmaǵy boıynsha quqyq buzýshylyq jasaǵany úshin kináli dep tanylsyn jáne 7 jylǵa bas bostandyǵynan aıyrý túrindegi jaza taǵaıyndalsyn», – dedi sýdıa Kemeńger Imashev úkimdi oqı otyryp.
Sýdıa Gúlmıra Satybaldyǵa Qylmystyq kodestiń 58-baby 3-bóligi negizinde barynsha qatań jaza taǵaıyndalǵanyn aıtty.
«Gúlmıra Satybaldyǵa 7 jylǵa bas bostandyǵynan aıyrý túrindegi jaza taǵaıyndalsyn. Qylmystyq kodekstiń 49-baby negizinde Prezıdentke memlekettik nagrada – «Qurmet» ordeninen aıyrý týraly usynys engizilsin», – delingen sot úkiminde.
Eske salaıyq, Gúlmıra Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergeýge alynǵan edi. Jábirlenýshige kelgen zalal somasy – 6,6 mlrd teńgeden asady.
Sondaı-aq, Gúlmıra Satybaldynyń sotqa deıingi tergeý kezinde shekara asyp ketpek bolǵany belgili boldy. Ol sotta aıybyn ishinara ǵana moıyndady. Aıta ketsek, prokýror Gúlmıra Satybaldyny 8 jylǵa bas bostandyǵynan aıyrýdy suraǵan edi.
Sonymen qatar, Gúlmıra Satybaldy aıyptaýlarmen kelispeıtinin aıtyp, "ádil sheshim qabyldaýǵa" ótinish jasaǵan bolatyn.
