Memleketke nikel men kobalt ken orny qaitaryldy. Ol būrynǧy industriia jäne infraqūrylymdyq damu vise-ministrı Timur Toqtabaevtan alyndy, dep habarlaidy «Adyrna» ūlttyq portaly Tengrinews.kz-ke sılteme jasap.
«Memleket basşysynyŋ zaŋsyz satyp alynǧan aktivterdı qaitaru jönındegı tapsyrmasyn oryndau barysynda būrynǧy vise-ministr T. Toqtabaevqa qatysty qylmystyq ıstı tergeu şeŋberınde memleketke Qostanai oblysyndaǧy «Şevchenkovskoe» bıregei ken orny qaitaryldy», - delıngen habarlamada.Ken ornynda nikel (1,075 million tonna) jäne kobalt (585,9 myŋ tonna) qory bar. Paidaly qazbalar qorlarynyŋ qūny 5,6 trillion teŋgeden asady. Eske salaiyq, biyl 27 qazanda Astana qalasynyŋ qylmystyq ıster jönındegı audanaralyq sotynyŋ T. Toqtabaevqa qatysty ükım şyqqan bolatyn. Ol paidaly qazbalardyŋ ırı qorlary bar ken oryndaryn onymen ülestes tūlǧalarǧa beru kezınde auyr zardaptarǧa äkep soqtyrǧan lauazymdyq ökılettıkterdı terıs paidalanǧany üşın kınälı dep tanylǧan. Toqtabaevqa 7 jyl bas bostandyǧynan aiyru jazasy taǧaiyndaldy. Sonymen qatar memlekettık qyzmette qyzmet atqaru qūqyǧynan jäne «Eren eŋbegı üşın» memlekettık nagradasynan aiyrylyp, qymbat mülıkterı tärkılendı.
«Adyrna» ūlttyq portaly
Ūqsas jaŋalyqtar
