Twitter akıoneri Mark Beın Rýsella Tesla kompanııasynyń bas dırektory Ilon Maskty Twitter akııalaryn satyp alý týraly aqparatty keshiktirgeni úshin sotqa berdi. Bul týraly Bloomberg jarııalady, dep habarlaıdy “Adyrna” ulttyq portaly.
Baǵaly qaǵazdar boıynsha alaıaqtyq týraly aryz Manhetten sotyna berildi.
Mark Rasella bastaǵan kompanııanyń burynǵy akıonerleri Mask odan da kóp úlesti «jasandy túrde tómendetilgen baǵamen» satyp alý úshin áleýmettik jeliniń akııalaryn satyp alý týraly aqparatty ádeıi ashpaǵanyn aıtty. Olar AQSh-tyń Baǵaly qaǵazdar jáne bırjalar jónindegi komıssııasynyń erejelerine sáıkes, Mask on kún ishinde, ıaǵnı 24 naýryzǵa deıin vedomstvoǵa bes paıyzdyq shekten asyp ketý týraly habarlaýy kerek dep atap ótti.
Twitter akııalary 27 sáýirde Mask óziniń úlesin ashqannan keıin 4 paıyzǵa ósti.
Aıta keteıik, 4 sáýirde amerıkandyq mıllıarder jáne Tesla ıesi Ilon Mask Twitter áleýmettik jelisiniń 9,2 paıyzyn satyp alyp, kompanııanyń eń iri akıoneri bolǵandyǵy belgili boldy.
Ilon Mask Twitter Dırektorlar keńesine kirmeıtinin málimdedi.
”Adyrna” ulttyq portaly
