Gülmira Satybaldyǧa qatysty jaŋa tergeu aiaqtaldy. Qazır proseske qatysuşylar qylmystyq ıs materialdarymen tanysudy jalǧastyryp jatyr, dep habarlaidy «Adyrna» tılşısı tengrinews.kz-ke sılteme jasap.
«Sybailas jemqorlyqqa qarsy qyzmet Gülmira Satybaldy men basqa adamdardyŋ Qazaqstan Qylmystyq kodeksınıŋ 126-baby, 3-bölıgı, 3-tarmaǧy ("Bas bostandyǧynan zaŋsyz aiyru abaisyzda jäbirlenuşiniŋ ölımıne ne özge de auyr zardaptarǧa äkep soqsa" - esk.), 194-bölıgı, 4-bölıgı, 2-tarmaǧy ("Qorqytyp alu, asa iri mölşerde jasalsa" - esk.) jäne 389-babtyŋ, 4-bölıgınde ("Özinşe bilik etu, osy baptyŋ ekınşı nemese üşınşı bölikterinde közdelgen, auyr zardaptarǧa äkep soqqan ıs-äreketter" - esk.) közdelgen qylmystyq qūqyqbūzuşylyqtar jasady degen küdık boiynşa tergeudı aiaqtady»,- dep habarlady Sybailas jemqorlyqqa qarsy ıs-qimyl agenttıgı.
Antikor basqa aqparattardyŋ jariia etılmeitının atap öttı.
Eske salaiyq, 2023 jyldyŋ mamyrynda Gülmira Satybaldyǧa 7 jylǧa bas bostandyǧynan aiyru jazasy taǧaiyndalǧan edı. Ol Qylmystyq kodekstıŋ 28-baby 3-bölıgı 1,8-tarmaǧy jäne osy baptyŋ 125-bölıgınıŋ 2-tarmaǧy boiynşa qūqyq būzuşylyq jasaǧany üşın kınälı dep tanyldy.
