Astanada ótken sot otyrysynda eks-prezıdent Nursultan Nazarbaevtyń nemere inisi Qaırat Satybaldy ózine taǵylǵan aıypty tolyq moıyndady, dep habarlaıdy “Adyrna”.
Astana qalasy Qylmystyq ister jónindegi aýdanaralyq sotynda iri mólsherde qylmystyq jolmen alynǵan aqshany jylystatý (Qylmystyq kodekstiń 218-baby, 3-bóligi, 3-tarmaǵy) boıynsha aıyptalǵan Qaırat Satybaldyǵa qatysty taǵy bir qylmystyq is boıynsha basty sot otyrysy ótti.
Sotta prokýror Eldar Nurmahanov aıyptaý aktisin oqydy. Onyń aıtýynsha, Qaırat Satybaldy qylmystyq jolmen zańsyz paıda tapqan.
«Qaırat Satybaldy óz maqsatyn kózdep, aqshanyń qylmystyq quqyqbuzýshylyqtan túskenin bilgen. Osyǵan qaramastan, ol «Kaspı banktegi» shotyn paıdalanyp, 22 mln 965 myń dollardy Dýbaı qalasynan jyljymaıtyn múlik satyp alýǵa jumsaǵan”, – dedi prokýror.
Qaırat Satybaldy sotqa onlaın qatysyp, kinásin tolyq moıyndap, tergeýmen kelisim jasaýǵa daıyn ekenin aıtty.
“Qurmetti sot, kinámdi tolyq moıyndaımyn. Dálelderge daýlaspaımyn. Konstıtýııalyq quqyǵym buzylmady”, - dedi ol.
Aldyn ala tyńdaý barysynda qorǵaýshy tarap kinásin moıyndaý jáne zańsyz satyp alynǵan aktıvterdi qaıtarý týraly proestik kelisim jasaý týraly ótinishhat berdi. Osyǵan baılanysty sot proestik kelisimdi jasaý máselesin sheshý úshin ýaqyt berdi.
Sot otyrysy belgisiz merzimge shegerildi.
Aıta keteıik, Qaırat Satybaldy 2022 jyldyń 26 qyrkúıeginde basqa qylmystyq isi boıynsha alty jylǵa sottalǵan edi. Al, 2024 jyldyń basynda Sybaılas jemqorlyqqa qarsy agenttik oǵan qatysty taǵy bir is áli tergelip jatqanyn habarlaǵan bolatyn.
