Búgin - qazaq jazýshysy, belgili satırık Ospanhan Áýbákirovtiń dúnıege kelgen kúni.
Ol Almaty oblysynyń Jambyl aýdanyndaǵy Úshbulaq aýylynda týǵan. Qurmanǵazy atyndaǵy Qazaq memlekettik konservatorııasynyń teatr fakýltetin támamdaǵan.
Mamandyǵy akter bolǵanymen, óziniń shyǵarmashylyq muratyn satıradan tapqan. Ol respýblıkalyq gazetterde, «Ara» jýrnalynda qyzmet istegen.
Satıralyq janrmen birge, balalarǵa arnalǵan óleń-jyr, ertegi, pesa, belgili kompozıtorlardyń ánderine mátin jazýmen, aýdarmamen de aınalysqan.
Ázız Nesınniń «Ahıretten kelgen hattary», Branıslav Nýshıchtiń «Meniń ómirbaıanym», Lao Sheniń «Mysyqtar qalasyn», E.Rapkeniń «Mıýnhaýzenniń hıkaıalaryn» qazaq oqyrmandaryna usynǵan.
1983 jyly balalarǵa arnalǵan «Qaǵaz qalpaq» satıralyq jınaǵy úshin Qazaqstan Jazýshylar odaǵynyń syılyǵy berildi.
